96.

De sancto Trndone.

In 1. Vesperis.

Super Psalmos.

A. Laeta dies, aeterna quies,
Sol, filius astri,
Emerito tibi pro merito
sine nube resplendet,
Sancte Dei; dant vota rei,

tu suscipe, parce,
Da, quod abest, remove, quod
obest,
quidquid premit, arce.

R. O flos paradisi Domini,
Altior cedris Libani,
Cujus odore

sanantur languidi
Et reviviscunt mortui,
Trudo, pater sanctissime,
Succurre huic familiae.
V. Plurima debemus

et debita nostra timemus.

Ad Magnificat.

A. Sancte pater, clare doctor,
Dulce decus, noster amor,
Funde preces tuo gregi,

Trado sacer, recognosce,
Tui sumus, Jesum posce,
Ut solutos a peccatis
Nos componat cum beatis.

Ad Matutinum.
Invitatorium.

Ad jubilos vitae

Christo psallendo venite,
Qui sibi Trudonem

sociat post carnis agonem.

In 1. Nocturno.
Antiphonae.

1. Annua jucundo

redeunt solemnia mundo,
Quae recolenda bonis

rutilant in honore Trudonis.

2. Huic natura parens,

habuit quae maxima, tradens
Exceptum statim

levat ad bona cuncta gradatim.

3. Inclita praecipue

sunt haec monimenta ju-
ventae,
Vix poterat fari
redditque diem mulieri.

4. Iste puer talis,

jam totus spiritualis,
Discere quaerebat
id, quod scriptura tegebat.

5. Angelus ad votum

noctu dat in ordine notum,
Quo pergat, quid agat,
sub quo doctore quiescat.

6. Sic post Remacram

Metis subeundo Glodulphum,
Dum redit instructus,
sanctos studet edere fructus.

Responsoria.

1. Exortum est in tenebris
Praeclari lumen sideris,
Cum edidit Hasbania
Trudonem plenum gratia,

V. Accrevit coelis gaudium
Et terris patrocinium.

2. Hic puerili opere
Instar jacit ecclesiae,
Quod dum conculcat femina,
Perdit, resumit lumina;

V. Viva futurus hostia
Haec Deo libat munera.

3. Florebant eo tempore
Multi verbis et opere,
Ad quorum Trudo studia
Jugi tendit instantia,

V. Spirabat hortus Domini
Flores rosae et lilii.

4. Orabat quamvis dormiens
Christumque semper sitiens,
Cum edocet coelicola,
Quid faciat Christicola:

V. Remaclutn, inquit, praesulem
Tibi designo consulem.

In 2. Nocturno.
Antiphonae.

1. Impiger accepti

diffundens lucra talenti,
Quomodo vivebat,
alios sic erudiebat.
2. Hos fovet, hos sanat,

hos largo munere donat,
Omnibus accedit,
sine munere nemo recedit.

3. Nocte soporati

meritum testata beati
Lux caput atque pedes
et totas ambiit aedes.
4. Elicuit fontem,

monuit coelestia gentem,
Eripuit furem,

domuit post cetera verrem,
5. Aggregat hic tales

vir sanctus coenobiales,
Quorum vita mori,
mors esset vivere Christi.
6. Ergo triumphantem,

mortalia cuncta terentem
Rex suus invitat

et, quo solet, ordine ditat,

Responsoria.

1. Jam tunc plenus virtutibus
Ipsisque par doctoribus
Omne mandatum literae
Pio complebat opere,

V. Humilibus consentiens
Et nihil altum sapiens.

2. Exutus ergo laicum
Adolescit in clericum,
Donec electus rapitur
Et sacerdos inungitur;

V. Prudens, pudicus, sobrius,
Qualem docet apostolus.

3. Communicato gaudio
Praesul cum dulci filio
Assumit eum socium
In opus evangelicum,

V. Remaclus theoreticae,
Ut instet Trudo practicae.

4. O virum laude, gratia
Omnique dignum gloria,
Cui se duo lumina
Infundunt noctu coelica,

V. Caput et pedes ambiunt
Et soporato serviunt.

In 3. Nocturno.
Ad Cantica.

A. Radix, flos, fructus.

lignum, quod non tinet aestus,
Testantur meritum,
vir benedicte, tuum.

Responsoria.

1. Sacerdos ergo populis
Diviso pane dogmatis
De terra fontem elicit,
Qui nunc usque non deficit ;

V. Has erogat divitias
Bonus pater familias.

2. Vir pietatis unicae,
Nullius expers gratiae,
Erudiebat homines,
Ejiciebat daemones,

V. Imperitabat bestiis
Et omnibus incommodis.

3. Applicabatur interim
Hora transplantationis
Ad radicem sanctissimae

Arboris
Et cupientem dissolvi
Et jam cum Christo esse
Discipulorum tamen
Gemitus et quaerulosa
Ne se desereret
Supplicatio morabantur

V. Jamque recedentem,

jam Christum respicientem.

4. Quod sperasti, ecce tenes,
Quod amasti, Christum vides,
Hic sepultus, ibi regnas,
Hic rogaris, ibi praestas,

Nos commenda, sancte Trudo,
Trino atque uni Deo.
V. ''Memor esto plebis tuae,
quam possedisti ab initio.''

Ad Laudes.

Super Psalmos.

A. Regnum, virtutem

Deus induit atque decorem
Et, quam firmavit,

sedem tibi, Trudo, paravit.

Ad Benedictus.

A. Lux emergit, lux liquescit,
Trudo sole plus candescit,
Nive nova candidior,
Auro vitroque purior ;
Coelos scandit, terras fovet,
Mare totum laude replet ;
Ejus obtentu oriens
Nos regat indeficiens.

Ad Horas.

Ad Primam.

A. Exsequias celebres

summi comitantur odores
Mixtaque caligo,

lux, coelica cujus origo.

Ad Tertiam.

A. Janua pulsatur

solaque fide reseratur,
Credit et accedit

caecus, cum luce recedit.

Ad Sextam.

A. Plectuntur fures,

homicida reus perit alter,
Ustus, contractus

curam redit alter adeptus.

Ad Nonam.

A. Laude tua, Christe,

pater est laudabilis iste
Et, quoties petitur,

animae carnique medetur.

In 2. Vesperis.

Ad Magnificat.

A. Magna te Deum cantica,
Clara decent praeconia,

Cujus virtute dexterae
Trado splendet in aetherc,
Ejus nos, Jesu, precibus
Peccati solve nexibus.