99.

De s. Wilhelmo Eboracensi.

In 1. vesperis.

Antiphonae.
1. In Wilhelmi laudibus
Laxet clerus lora,
Sit in hymnis, canticis
concio decora.
2. Pius pater hodie

de hac valle fletus

Ad supernum solium
Sion transit laetus.

3. Quondam thesaurarius,
jam thesaurus cleri,
Dedit opes, medici
nunc dat opem veri.

4. Coelum solum sitiens,
gazas Christi miles,

Ne scandentem retrahant,
calcat ut res viles.
5. In doctrina solidum
cibum dat provectis

Et lactis dulcedinem
miscet imperfectis.

Ad Magnificat.
A. Nostri patris
in natalitio
Laetas laudes

dictet devotio,
Coeli regem

lactet oratio,
Ut jungamur
ejus consortio.

Ad Matutinum.

Invitatorium.

Jubilemus regum regi,

Qui concedit nos hic regi

Per Wilhelmi merita.

In 1. Nocturno.
Antiphonae.
1. Ortus clari germinis
hunc nobilitavit
Et mentis nobilitas
genus geminavit.
2. In agendis strenuus,
fidus in commissis,
Ad censuram rigidus,
firmus in promissis.
3. Mitis in consortiis,
in loquela rarus,
In responsis providus,
in censu pracclarus.

Responsoria.
1. Voluntate, trutina
non legis cassatus,
Viruni novum induit
coelitus mutatus ;
V. Juventutis januas
claudit cassatio,
Sic malum saepius
boni fit occasio.

2. Vir ad sui gloriam
cedit inglorius,
Ut unguenti vasculum
mundet in melius,
V. Lacrimarum lavacro
purgatis personis
Confertur divinitus
munus unctionis.
3. Laceratum exsulem
morsibus malignis
Nec fax angit odii
nec livoris ignis ;
V. Probat hunc exsilium
sicut hiems laurum,
In fornace ponitur,
purum exit aurum.

In 2. Nocturno.
Autiphonae.
1. Ne Samsonem Dalila
faciat perire,
Hic carnem spiritui
facit obedire.
2. Agrum mentis seminat
sementis virtutum
Et mundi delicias
spernit velut lutum.
3. Ne recentes flosculi
virtutum marcescant,
IIos scripturae rivulis
irrigat ut crescant.
Responsoria.
1. Factus Jacob vigilat
extra super gregem,
Nec minus interius
regum sapit regem,
V. Marthae ministerio
copulat Mariam,
Rachelis amplexibus
fruitur post Liam.
2. Fragrat odor praesulis
Romam venientis,
Occurrit fragrantiae
plebs unius mentis,
V. Ex longinquis veniunt
nec sunt fatigati.

Longa via visa est

curta caritati.
3. Plebs occurrit praesuli

cadit pons dissutus,
Sed a casu populus

ruens redit tutus,
V. Unda ruens populum

recipit ruentem
Et se pontem efficit

per omnipotentem.

In 3. Nocturno.
Antiphonae.
1. Ne cursus ad superos
animo claudatur,
Mens Dei dulcedini
tota copulatur.

2. Servit elemosynis
manus insopita,
Quibus se dat penitus
vir Israelita.
3. In sublime levat ut
palma comam spei,
Est imputrescibilis
sicut cedrus Dei.

Responsoria.
1. Fide fuit Phinees,
ut Job mansuetus,
Patiens ut Israel,
ut Noe discretus,
V. Fidelis ut Abraham,
ut Loth hospitalis,
Sagax ut Samuel, ut
Joseph liberalis.
2. Vivum Christus oleo
tam large linivit,
Quod adhuc in mortuo
olei fons vivit;
V. Ut sit nomen praesulis
oleum effusum,
Corpus fundit oleum
ad aegrorum usum.
3. Adit sancti tumulum
languidorum coetus
Et, qui plangens venerat,
plaudens redit laetus;

V. Praesulis antidotum
praesens est egenis,
Quo devotos liberat
pluribus a poenis.

In Laudibus.
Antiplioiiae.
1. Claudi recti redeunt,
furor effugatur,
Epilensis passio
sanitati datur.
2. Purgantur hydropici,
laudes fantur muti,
Datur paralyticis
suis membris uti.

3. Leprae tergit maculas,
membra dat castratis,
Lumen donat pluribus
sine luce natis.

4. Rapitur a pugile

lex et hostis lumen,
Quod per sanctum reparat
caeco coeli numen.
5. Ab abyssi faucibus
biduo submersum
Mater natum recipit
a morte reversum.

Ad Benedictus.
A. O Wilhelme, pastor bone,
Cleri pater et patrone,
Mundi nobis in agone
Confer opem et depono
Vitae sordes et coronae
Coelestis da gaudia.

In 2. Vesperis.
Ad Magnificat.
A. Jesu, nostra fiducia,
Honor noster et gloria,
Amor, virtus, laetitia,
Vita, veritas et via,
Justorum pax et patria,
Tua nos clementia
Wilbelmi per suffragia
De mundi miseria
Transfer ad palatia.