QUAESTIONES.

58. Quaest. I. Quaestio parvula hic incidit de hoc quod dicit: Ego baptizo in aqua.

1. Si enim baptismus Ioannis solum exterius carnem lavabat, videtur, quod frustra et inutiliter fiebat.

2. Item, Ioannes Lege perfectior est, ergo baptismus Ioannis Sacramentis Legis: si igitur circumcisio dat gratiam, multo magis baptismus Ioannis.

Respondeo: Dicendum, quod baptismus Ioannis . non fuit in remedium, sed in praeparationem ad remedium: ideo non sequitur ex hoc, quod sit superfluum: nec sequitur, quod gratiam conferre debeat .

Baptismus autem ille praeparabat ad remedium tripliciter: propter vitae emendationem: unde dicitur Matthaei tertio : "Baptizabantur ab eo confitentes peccata sua". Propter assuefactionem, ut essent idonei et non respuerent baptismum Christi: unde Gregorius : " Decens erat, ut qui nasciturum nascendo praevenerat, baptizaturum quoque Dominum baptizando praeveniret". Tertia vero ratio, propter Christi manifestationem: infra eodem : Ut manifestaretur in Israel, propterea veni ego in aqua baptizans.

59. Quaest II. Item quaeritur de hoc quod dicit: Medius vestrum. Unde est hoc, quod Dominus semper locum medium eligit, cum sit caput f

Et videtur, quod non esset in medio eorum; non enim est nisi in medio bonorum .

Dicendum, quod secundum carnem erat medius eorum, id est in medio tanquam homo mediocris. Dicitur autem Christus stare in medio, vel etiam locum medium specialiter eligere, quia medium est locus humilitatis; Lucae vigesimo secundo : " Ego autem in medio vestrum sum, sicut qui ministrat ", et Matthaei decimo octavo.

Locus communitatis, quia uniformiter se habet ad omnes: Actuum decimo : " In veritate comperi, quia non est personarum acceptor Deus " etc. Locus imitaris, quia extrema uniuntur in medio: ad Ephesios secundo : " Ipse est pax nostra, qui fecit utraque unum". Locus stabilitatis, quia medium mundi est fixum: primae ad Corinthios tertio : " Fundamentum aliud nemo potest ponere, praeter id quod est Christus Iesus ". Locus proximitats, quis omnibus partibus approximat: Actuum decimo septimo : " Si forte attrectent eum aut inveniant, quamvis non sit longe ab unoquoque nostrum; in ipse enim vivimus et movemur et sumus".

60. Quaest. III. Item quaeritur de illo verbo, quod dicit ipse: Qui post me venturus est.

Contra: Matthaei undecimo dicitur, quod misit duos ex discipulis suis dicens ei: c Tu es, qui venturus es, an alium exspectamus" ? Ibi dubitavit, quomodo hic asserit?

Ad hoc dicunt haeretici, quod Ioannes primo credidit, sed postmodum dubitavit. Sed mentiuntur, quia Dominus tunc commendavit Ioannem .

Proptei hoc dicendum, quod loannes certitudinaliter sciebat, ipsum esse Christum: nec tunc interrogavit per discipulos tanquam dubitans, sed ut dubitationi discipulorum suorum consuleret, qui in eum non credebant .

61. Altera die vidit Joannes etc Perhibuit supra beatus Ioannes testimonium de Christo absente; hic perhibet testimonium de Christo ad se veniente. Et dividitur baec pars in duas: quia primo describitur testimonii perhibitio: secundo, testimonii certitudo sive corroboratio, ibi: et ego nesciebam eum etc.

Testimonii perhibitio describitur hoc ordine: primo tangitur testificandi occasio: secundo, testificatio: tertio vero, ad testimonium praecedens comparatio.

(Vers. 29.). Testificandi occasio primo tangitur: et haec fuit, quia Iesus venit ad Ioannem ab eo baptizari: propterea dicit: Altera die vidit Ioannes Iesum venientem ad se, scilicet ut baptizaretur: Matthaei tertio : " Venit Iesus a Galilaea in Iordanem ad Ioannem, ut baptizaretur ab eo ".

62. Et ait, scilicet Ioannes. Tangitur hic secundum, scilicet ipsa testificatio, in qua perhibet testimonium de innocentia humanitatis et de virtute Divinitatis. Propter innocentiam dicit: Ecce, Agnus Dei, id est innocens et impollutus; Isaiae decimo sexto : " Emitte Agnum, Domine, dominatorem terrae, de petra deserti ad montem filiae Sion". Quantum ad virtutem Divinitatis dicit: Ecce, qui tollit peccata mundi, quod est solius divinae virtutis: Isaiae quadragesimo tertio : " Ego sum, ego sum ipse, qui deleo iniquitates tuas propter me"; et dicit: Ecce, quia quem alii praenuntiavenint ipse digito monstrat: ideo de ipso dicitur Matthaei undecimo: " Ipse est propheta et plus quam propheta ". 63. (Vers. 30.). Hic est, de quo dixi vobis. Tangitur hic tertium, scilicet ad testimonium praecedens comparatio. Unde replicat testimonium, quod dederat in absentia eius: ideo dicit: Hic est, de quo dixi, in praecedenti scilicet testimonio: post me venit vir, scilicet temporali nativitate, quia per sex menses post eum natus. De hoc viro Ieremiae trigesimo primo : " Novum faciet Dominus super terram: femina circumdabit virum ". Qui ante me factus est, dignitate scilicet, quia prior me erat, Divinitate: supra eodem: "In principio erat Verbum ",