QUAESTIONES.

26. Quaest. I. Sed quaeritur hic primo de hoc quod dicit: Cum tanti essent, non est scissum rete. - Cum in prima piscatione, Lucae quinto , dicatur, quod rumpebatur rete propter multitudinem piscium copiosam ; quid est, quod nunc integrum perseverat ?

Respondet Gregorius : "In alia piscatione prae multitudine piscium rete rumpitur, quia nunc ad confessionem fidei cum electis reprobi intrant, qui ipsam Ecclesiam haeresibus scindunt. In hac vero piscatione rete non rumpitur, quia sancta eieciorum Ecclesia, in continua pace requiescens, nullis dissensionibus laceratur .

27. Quaest. II. Item quaeritur de hoc, quod Dominus comedit piscem et panem, secundum quod dicitur Lucae ultimo : cum sit tantum corporis animalis: ergo aut Christus habuit corpus animale, aut phantastice comedit.

Respondeo : Dicendum, quod est comedere ex necessitate, et hoc est corporis animalis tantum: et est comedere ex potestate, et hoc non tantum animalis, sed etiam gloriosi et spiritualis, quod pure ex potestate comedit. Corporibus enim glorificatis non aufertur potestas, sed necessitas .

28. Quaest. III. Item quaeritur: quid fiebat de illo cibo ? Cum enim corpus glorificatum non nutriretur, videtur, quod haberet egressum naturae consuetum.

Respondeo: Dicendum, quod sicut aqua in ignem proiecta statim ab igne absorbetur, sic cibus a corpore glorificato susceptus statim consumitur virtute quadam spirituali. Unde Angustinus in libro de solutione Sex Quaestionum : " Aliter absorbet aquam terra sitiens, aliter solis radius calens: illa indigentia, iste potentia. Futurae ergo resurrectionis corpus imperfectae felicitatis erat, si cibis eguerit: imperfectae felicitatis erit, si cibos sumere non poterit ". Et ratio huius est, quia in primo indigens, in secundo impotens.

29. Quaest. IV. Item quaeritur de hoc quod dicitur: Hoc iam tertio manifestavit se Iesus etc.

Propter quid Dominus interpolate discipulis se manifestabat et non erat cum eis continue usque ad ascensionem?

Et respondet Chrysostomus , quod " subtraxit se ab aspectu illorum aliquando, ut avidius quereretur, et quaesitus amaretur, et amatus insignius et devotius veneraretur".

Alia ratio: quia discipuli, quamdiu fuit cum eis Dominus, eum carnaliter diligebant: ut eos disponeret ad spiritualem amorem et per hoc ad receptionem Spiritus sancti: ideo praesentiam corporalem ab oculis subtrahebat paulatim, quousque plene subtraheret in ascensione, et tunc fieret amor eorum omnino spiritualis. Propterea scriptum est supra decimo sexto : "Nisi ego abiero, Paracletus non veniet ad vos " etc.

30. Cum ergo prandissent, dicit etc. Supra descripta est Christi resurgentis manifestatio, hic describitur Petri in dilectione Christi confirmatio . Et quia quod confirmatur ad perfectionem tendit, ideo pars ista in duas dividitur. Primo enim Petrus in dilectione Christi solidatur: secundo, ad consummationem dilectionis, quae est per passionem, invitatur, ibi : Amen, amen dico tibi etc.

Confirmatio igitur Petri in dilectione fit Christi trina interrogatione: unde sunt tres partes in prima parte secundum tres interrogationes: prima, ibi : Cum ergo prandissent: secunda, ibi: Dicit ei iterum: Simon etc: tertia, ibi: Dicit ei tertio: Simon etc.

Prima igitur hoc ordine describitur: nam ponitur Christi inquisitio: secundo, Petri responsio et Domini additur exhortatio.

Inquisitio Chriiti facta est per manifestationem, quae fuit per comestionem: ideo dicit:

31. (Vers. 15.). Cum ergo prandissent. Attendendum est, quod in prandio non quaesivit de dilectione, quia, sicut dicitur Ecclesiastici sexto , " est amicos socius mensae, et non permanebit in die necessitatis ". Sed post quaerit: Dicit Simoni Petro Iesus: Simon Ioannis, diligis me plus his? Ideo de dilectione quaerit, quia gregem suum non vult nisi amanti committere: ideo de maiori dilectione, quia magis amanti vult committere. Unde Gregorius : (Qui caritatem non habet praedicationis officium suscipere nequaquam debet"; certe multo minus praelationis, quia, sicut dicitur Ioannis decimo, "bonus pastor animam suam dat pro ovibus suis".

32. Dicit ei: Etiam, Domine. Hic ponitur Petri responsio, in qua respondet, quod amat, sed non, quod plus amet, quia amorem aliorum nesciebat. Unde Augustinus : " Quod respondet Petrus amo te nec addidit plus his: hoc respondit, quod de se ipso sciebat: non enim, quantum ab alio diligeretur, scire poterat, quia cor alterius videre non poterat " . Tu scis, quia amo te: in bac responsione ostendit Petrus, non se respondere adulatorie, sed vere. Unde Chrysostomus : "Ipsum vocat testem, qui scit occulta". Sic invocabat Ieremias, decimo septimo: "Diem hominis non desideravi, tu scis".

33. Dicit ei. Hic notatur post responsionem ad operationem exhortatio: quia " probatio dilectionis exhibitio est operis "; ideo dicit: Pasce agnos meos: in quo mira dilectio Christi ad oves exprimitur, quia hoc praecipue inter alia signum suae dilectionis ostendit: et hoc quidem Petrus implevit et impleri monuit, primae Petri quinto : " Seniores, pascite qui in vobis est gregem Dei " etc.

34. (Vers. 16.). Dicit ei iterum. Hic ponitur secunda inquisitio, in qua similiter proceditur, ut prius. Ponitur enim Christi inquisitio: secundo, Petrt responsio: et tertio, exhortatio.

Inquirit ergo Dominus, ut prius, de dilectione: Simon Ioannis, diligis me? Simon Ioannis dicitur, quia filius erat Ioanna . - Et respondet Petrus: Ait illi: Etiam, Domine, tu scis, quia amo te. Beda : " O quam fidelis et pura anima! quae Conditori suo, cuius oculis omnia nuda et apem sunt, dicere non metuit: Domine, tu scis, quia amo te ".

Dicit ei. Hic ponitur exhortatio, ut prius: Pasce agnos meos. Exhortationem praedictam iterat: unde Beda : " Haec est sola et vera probatio integri in Deum amoris, si erga fratres studueris curam solliciti exercere laboris". Pasce, scilicet exemplo, sicut ille, de quo in Psalmo: " Pavit eos in innocentia cordis sui".

3S. (Vers. 17.). Dicit ei tertio. Hic ponitur tertia inquisitio illo ordine, quo prius, scilicet quaestio, responsio, exhortatio.

Quaerit ergo Dominus de eodem: Simon Ioannis, amas me?.Ex bac littera patet, quod amare accipitur in bono, ut diligere . - Et contristatus est Petrus. Hic notatur responsio Petri: sed tamen respondit cum tristitia, quia, sicut dicit Chrysostomus , timebat, ne similiter ei accideret, sicut accidit, quando dixit: " Animam meam pono pro te "; et ideo contristatus est, quia dixit ei tertio: Amas mei Sed tameo non desperavit, immo fiducialiter respondit et dixit ei: unde responsioni addit: Domine, tu omnia nosti, tanquam Deus; tu scis, quia amo te, etiam melius nosti quam ego. Sciebat enim, quod ille erat, qui dixit Ieremiae decimo septimo : " Ego Dominus scrutans corda et renes ", id est cogitationes et affectiones.

Dicit ei: Pasce oves meas. Hic notatur exhortatio: et per oves intelliguntur subditi perfectiores .

Notandum est, quod Dominus praecipit pascere oves, non tondere, non comedere, quia pastor non se ipsum pascere praecipitur amore Christi, sed oves; Ezechielis trigesimo quarto : " Vae pastoribus Israel! qui pascebant semetipsos; nonne oves pascuntur a pastoribus? Lac comedebatis et lanis operiebamini".