3. De sanctis Apostolis.

1 Caeli solem imitantes,

In occasu triumphantes

Ortum solis afferunt,

2 Ortum solis et occasum,

Quorum omnes ita casum

Terrae fines referunt:

3 Petrum, Paulum et ''Andream

''Per Neronem, per Aegeam

Roma, Patras perimunt ;

4 Herodes, gens pharisaea

Iacobis et in Iudaea

Binis vitam adimunt ;

5 Iohannes est segregatus,

Sic manens, ut est vocatus,

Ad Christi convivia;

6 Mauri trucidant ''Matthaeum

Et Indi Bartholomaeum

Et Philippum ''Scythia,

7 Thomam Indi, Iudam Persae

Simonemque, sic diverse

Caeli caelos penetrant;

8 Sic ascendunt caeli caelos,

Ubi Christo fundunt melos,

Nobis vitam impetrant.