22. De ss. Doctoribus Ecclesiae.

I Sancti visu columbino
Et ascensu aquilino
Te, Christe lux, adeunt ;

2 Hi prudentes sunt aurigae
Currus Dei et quadrigae,
Plebem Christi subvehunt.

3 Magne doctor, ''Augustine,
''Legis amator divinae,
Lux fulgens ecclesiae,

4 Fugas hostes, quos et feris
Mittens tela, per quae teris
Inimicos gratiae.

5 Arca legis, vas pigmenti,
Contra morbos vas unguenti,
Gregori, os aureum,

6 Botrus Cypri gerens merum,
Quo gaudium mentis verum,
Os diffundens oleum.

7 Ut Elias nulli parcens,
Vir Ambrosi, magnos arcens
Obviando crimini;

8 Infans sanctum te testatur,
Idem monstrans dum clamatur
Torquens hostes lumini.

9 Culpans culpas dum fugaris,

Antra petis nec turbaris,

Vir doctor Ieronyme;

10 Carnem domas ieiunando,
Studes legem declarando,
Interpretum maxime.

11 Hi lucernae ad lucendum,
Nubes isti ad fundendum
Nunc rorem, nunc pluviam.

12 Sic per fidem nos conducant,
Nos praecedant et inducant
Ad beatam patriam.