39. De s. Achatio et sociis.

1 Glorietur totus mundus
In martyrum sollemnia ;

2 Chorus cantet lactabundus
Per militum suffragia.

3 Honor tanto sit diei,
In quo sancti milites

4 Propter laudem Iesu Christi
Sunt effecti milites.

5 Ut gigantes hi steterunt
Fortes coram Caesare,

6 Sapienter responderunt
Se Deum vivum colere.

7 "Simulacra non curamus ,
Sic dixerunt milites;

8 "Deum verum adoramus,
Qui est electorum spes."

9 His auditis Adrianus
In electos fremuit
Et tormentis plurimis hos
Flagellari praecipit.

10 Flagellati sunt beati
Vere decem milia
Et ducuntur supra montem
Ad crucis supplicia.

11 Crucifixi sunt electi
Bene octo milia ;

12 Alii omnes sunt delecti
In montis cavernula.

13 Nunc subnixe imploremus
Martyrum levamina,

14 Ut laetemur cum beatis
In aeterna gloria.