11. De sancto Martyre.

1 Salvatorem

Concordi laudemus Christum
Melodia,

2 Qui victorem
Clementem in forti fecit
Agonia.

3 Vix virtute praeditus
Nulli cessit penitus
Saevienti;

4 Perstitit in acie
Pro corona gloriae
Non marcenti.

5 Carnis lenocinia
Mundi sprevit noxia
Blandimenta ;

6 Damna cum iniuriis

Duxit pro deliciis

Et tormenta.

7 Fontem vitae sitiens
Cucurrit non sentiens
Laesionem;

8 Cuncta tulit patiens
Ad Christi respiciens
Passionem.

9 Post triumphum habitum
Et felicem exitum
Pie reddit spiritum
Redemptori,

10 Pro cuius dulcedine
Sacro doctus flamine
Duxit fuso sanguine
Dulce mori.

11 Martyr sanctissime,
Flos fragrans intime
Ad instar rosae pulcherrimae,

12 Pugil fortissime,
Sis nobis, optime,
Tutor corporis et animae.