72. De sancto Antonio Patavino.

1 Hodiernae lux diei
Celebris in viri Dei
Agitur memoria.

2 Decantemus patris sancti
Et praeconis huius tanti
Laudes et pracconia.

3 Omnis homo te, Antoni,

Laudans voce pii soni

Poscit patrocinia.

4 Psalle, psalle mente tota,
Paduana plebs devota,
Tanta plena gratia I

5 Ave, pater, labe carens,
Te ad caelos traxit parens
Pia, paris nescia ;

6 Fecundatam dilexisti
Virginem, quae Iesu Christi
Mater est et filia.

7 Fusa corda peccatorum
Dura nimis sunt verborum
Huius sancti pluvia.

8 Floret Hispanorum hortus,
In quo fons hortorum ortus
Est, qui rigat invia.

9 Salve, lumen reddens caecis,
Nobis hic in luto faecis
Desuper irradia;

10 Placa prece, O Antoni,
Matrem dulcem summi boni,
Ut sit nobis obvia.

11 Per te claudi, surdi, muti
Sunt saluti restituti ;
Christo laus et gloria !

12 Iesus, quem in te laudamus,
Nobis donet, quae optamus;
Amen dicant omnia.