57. De sancto Andrea.

1 Laudemus regem caeloium,
Qui sacra virtute morum
Andream dotaverat;

2 En, a mari quo vocato
Laudes dantem summo nato
Hic plebem perfecerat.

3 Ipsius piscatio

Salubris dirigitur
In plebis praesidio,
Quo Christus diligitur.

4 Fidei reticulo

Hic turbam incluserat,
Quae tunc sub periculo
Peccati torpuerat.

5 In Achaia Myrmonides
Inhiantes ut praedones
Sectando perfidiam

6 Consecrato fonte lavit,
Quos et Christi cibo pavit
Fugans idolatriam.

7 Post haec mira passus cruce
Pertransivit summo duce
Huius saecli lolium.

8 Huic tortor poenas impendit,
Cuius spiritus conscendit
Ad caeleste solium.

9 Hoc suffulti, quem laudamus,
Tibi, summe, vota damus
Nostra te eanentia.

10 Quo regnante cum beatis,
Christe, fons benignitatis,
Qui das vitae praemia,

11 Quando dies erit irae

Vincla demens mortis dirae,
Fac nos ad culmen transire
Sempiterni luminis,

12 Quo cum sanctis illustrati
Summae demus maiestati
Gloriam coadunati
Sceptro tui numinis.