47. De sancta Afra.

1 Botrus Cypri reflorescit,
De labrusca palmes crescit,
Germen aromaticum ;

2 Oleaster fit oliva,

Fit de luto gemma viva
Iubar fundens caelicum.

3 Altrix quondam Veneris,
Afra, prisci sceleris
Errore relicto

4 Per Narcissi meritum
Omne fugit foetidum
Verbo vitae dicto.

5 Haec labrusca primitus
Fuit, donec Spiritus
Sancti madens rore

6 Hoc, quod prius aruit,
Per fidem reviruit
Florido cum flore.

7 O sanctum agricolam,

Qui de rubo violaui

Facit pullulare !

8 Agrum diu sterilem
Verbo reddit fertilem
Fructu messis rarae.

9 Hostis dolens hinc antiquus,
Electorum inimicus,
Prorumpens Aegyptius,

10 Causam suam dum defendit,
Malae causae poenas pendit
Quomodo falsarius.

11 In abyssi ne mergatur
Fundum, sancto coartatur
Praesulis imperio,

12 Ut antiquus occidatur
Draco, sanctus sed culpatur
Praesul de mendacio.

13 Post, insignis
Martyr, ignis
Fers tormenta
Cuncta, tenta

Pro fide catholica ;

14 Tua prece
Nos a nece
Fac securos
Et mansuros
In quiete caelica.