29. De quolibet Sancto.

1 Laudes Deo referamus
Et iucunde persolvamus
Devotis praeconiis,

2 Qui hunc sanctum sublimavit
Et immensis decoravit
Virtutum miraculis.

3 Cuius festa celebramus,
Affectanter imploramus
Sua patrocinia,

4 Ut pro nobis interpellet
Apud Christum et repellet
Peccatorum vitia.

5 Pie Deus, nunc festina
Aures tuas et inclina
Nostris clemens precibus;

6 Te precamur, miserere
Nostri, ut iungamur vere
Angelorum coetibus.