90. De sancto Benedicto Casinensi.

I Laeta quies magni ducis,
Dona ferens novae lucis,
Hodie recolitur.

2 Charis datur piae menti ;
Corde sonet in ardenti,
Quidquid foris promitur.

3 Hunc per callem orientis
Admiremur ascendentis
Patriarchae speciem !

4 Amplum semen magnae prolis
Illum fecit instar solis
Abrahae consimilem.

5 Corvum cernis ministrantem,
Hinc Eliam latitantem
Specu nosce parvulo ;

6 Elisaeus dignoscatur,
Cum securis revocatur
De torrentis alveo.

7 Illum Ioseph candor morum,
Illum Iacob futurorum
Mens effecit conscia.

8 Ipse memor suae gentis
Nos perducat in manentis
Semper Christi gaudia.