85. De sancta Anna.

1 Salve, mater matris Dei,
Cella cellae nostrae spei,
Arbor rami triplicis !

2 Salve, paradisi flumen,
Synagogae novum lumen,
Fontis vena duplicis !

3 Salve, vas conditum melle,
De quo fluxit sine felle
Succus veri balsami I

4 Salve, sacra legis glosa,
Veterum te mens umbrosa
Vi non prendit thalami !

5 Portae clausae tu structura
Nuncupans sub figura,
Quam vidit Ezechiel.

6 Lapis templi praepararis,
Ioachim dum copulans,
Mittitur cum Raphael.

7 Fecundari sterilem
Tanti prolis herilem
Typus demonstraverat,

8 Rubo dum innititur
Moyses, abicitur,

Pede quod portaverat.

9 Sic convallis humilis
Terra fit arabilis,
Quae fructum parturiit ;

10 Dei per consilium
Profert spina lilium;
Reus hoc esuriit.

11 Tu primam geneseos
Lectionem parvulos
Doces et decrepitos ;

12 Libri finem Ezechiae,
Canticorum menti piae
Detexisti terminos.

13 Tu roris seiuncta stilla,
De qua loquitur Sibylla
Scematizans inclita ;

14 Tu liber septiclavatus,
Agno solum deputatus,
Ut dissolvat indita.

15 Nobile tu patrum scema,
Prophetarum es problema,
Sponsae regis solium.

16 Gloriosus Cleophas
Hinc secundus tibi mas
Fit et capitolium.

17 Salomonis alumna,

Summa templi columna,
Tu Sadoch thuribulum,
Aaronis vestibulum.

18 A Philistim non laederis,
Archa nostri foederis,
Abrahae umbraculum
Davidis et iaculum.

19 Salve, cuius vir in portis
Praestitit Salomae fortis,
Hostes stravit militans ;

20 Isachar hinc admiratur,
Ex hoc multum adlaetatur,
Cum sis prolis Iactitans.

21 Gratia interpretaris
Eius, Anna, cuis paris
Matrem, quae fit singularis
Regina caelestium.

22 Fructus dulcis tu capsella,
Hunc pro nobis interpella,
Creditur quae maris stella
Ordini terrestrium.

23 Iesu Christo, summo soli,

Ac Mariae, tuae proli,

Iuncta es in arce poli;

Hic terrores atque doli

Per te cessent hostium.

24 Illum placa, qui passurus

Ad nos venit et venturus

Est flammis vindicaturus,

Ne nobis sit iudex durus,

Sed caeli det gaudium.