73. De sancta Attala Argentinensi.

1 Hero summo decantemus
Et pro festis exsultemus
Attalae decore,

2 Ex quo nostra est matrona
Et quo virginum corona
Fruitur honore.

3 Id nam, quod possedit,
Propter eum dedit,
Rex qui est polorum.

4 Nobilis, intacta
Gestaque et facta
Habuit bonorum.

5 Ritum sub Odilia
Studuit haee filia
Cultibus divinis.

6 Illustris collegium
Adelbertus regium
Filiabus trinis

7 Cum numero arctarum

Dotat christicolarum

Copia frumenti.

8 Se vovit servitio
Dei sine vitio
Animo ferventi.

9 Spernunt mundum cum decore
Christi Iesu prae amore
Vaniloquia vitando ;

10 Fundunt guttas lacrimarum
Pro salute animarum
Psalmodias recitando.

11 Refert literarum
Series, quod harum
Rectrix puellarum
Exstitit beata

12 Attala, generosa,
Florens velut rosa,
Virgo speciosa,
Regum stirpe nata.

13 Multis annis sic transactis

Felix illa verbis, factis

Intimat sororibus

14 Extremum nunc imminere
Sibi diem, scire vere;
Sanctisque cum moribus

15 Reddidit lmpollutum
Sanctum Deo tributum ;
Humo corpus datur.

16 Splendescant miracula
Eius per oracula,
Veritas ut fatur.

17 Multis fert subsidia:
Eius per praesidia
Caeci visum capiunt,

18 Artubusque contracti,
Febre, lepra contacti
Sanitatem rapiunt.

19 Cuius prece
Nos a nece,

Christe, salva et a faece
Sordium emunda.

20 Habeamus,
Supplicamus,

Tecum illa, quae optamus,
Gaudia iucunda.