89. De sancta Bega abbatissa in Cumbria.

1 Virgo Bega speciosa,
Stirpe regis generosa,
Sed plus fide speciosa,
Quam carnis progenie,

2 Iam peccata fac exosa.
Nobis posce gratiosa,
Ut cantemus Christo prosa
Carmina laetitiae.

3 Salve, Bega, virgo bona,
Quae sprevisti patris dona,
Regnum, taedas regias.

4 Salve, Christo subarrhata,
Anulo suo signata,
Devitans spurcitias.

5 Salve, pergens de conclavi
Clausis seris sine clavi,
Respernens Hiberniam.

6 Salve, mare quae transisti
Sine nautis, pervenisti
Sola in Britanniam.

7 Salve, velo vitae rata,
Post laborem coronata,
Plaudens grandi gloria,

8 Cuius fide roboratur,
In aerumnis consolatur
Tota nunc Coplandia.

9 Audi nos de caeli sede,
Ubi clares sine taede,
Favendo fragilibus ;

10 Aegris hoedis in bac aede,
Bega, te rogamus, ede
Patrem placans precibus.