88. De sancto Bartholomaeo.

1 Celebri est attollenda
Laude
Haec praesens diecula

2 Et a Christi veneranda
Pie

Iugiter plebecula

3 Honore invictissima,
Pii sui apostoli,

4 Linguarum peritissimi
Cunctarum, Bartholomaei.

5 Eius namque miracula
Extrema canit India
Decenter.

6 Amoris Dei facula
Accensum timent idola
Frequenter.

7 Virtus cessavit Astaroth,
Dum servus Dei Sabaoth
Templo appropinquabat,

8 Ubi latebat idolum,
Quod illudebat populum
Qui ipsum adorabat.

9 Huius causa mysterii
Alterius daemonii
Versutiam pavescens
recitavit

10 Absentemque apostolum
Affirmans Dei famulum
Ipsius flatum vulgo
demonstravit.

11 Curando hic lunaticam
Magis quam auri sarcinam
Gentes gliscit lucrari.

12 Regem cum regni populo
Credentem Christo Domina
Hortatur baptizari.

13 Atroces sprevit verberum
Pressuras et stridentium
Horrores.

14 Excoriatus coluit
Deum pieque sustulit
Dolores.

15 Nos ut illius precibus
A peccatorum faecibus
Mundemur et affectibus
Aeternis simus tuti.

16 Praestet beata trinitas
Et ipsa donet unitas,
Aequalis semper deitas,
Ne damnemur polluti.