20. De sancto Confessore.

1 Adest dies laetitae,
Qua de valle miseriae
Iste beatus exiit ;

2 Exutus carnis carie,
Indutus stola gloriae

Gaudens ad caelum transiit.

3 Qui post aurum non abiit
Neque spem suam posuit
In thesauris pecuniae,

4 Sed solum vitam petiit,
Quam Deus illi tribuit
In sempiterna requie.

5 Nos ergo, qui cottidie
Condicionis propriae
Obvolvimur niaestitia,

6 Resolvamur laetitia
Celebrantes sollemnia
Beati patris hodie,

7 Ut post istius anxiae
Vitae viaeque deviae
Procellosa naufragia

8 Per ipsius suffragia
Mereamur consortia
Curiae curae nesciae.