4. De sanctis Apostolis.

1 Dum suprema melodia

Sonat dulcis harmonia,

Psallat vox angelica.

2 Chorus omnium sanctorum
Laudibus apostolorum
Cantat laeta cantica ;

3 Verbum Dei incarnatum
Clamat mundo esse natum
Et probat miraculis.

4 Idolatria turbatur,
Contra Christum inflammatur
Et armatur iaculis.

5 O quam mira haec sophia

Et quam nova caeli via !

Vincit, qui occiditur.

6 Roma necat Petrum cruce,
Paulum ense, et sic duce
Christo mundus vincitur.

7 Crucifigit per Aegeam
Pateas occidens ''Andream,
Caedit Thomam ''India,

8 Iacobum, natum Alphaei,
Iacobumque Zebedaei
Et Matthiam Syria,

9 Aethiopia ''Matthaeum,
India Bartholomaeum''

Et Philippum Asia,

10 Simonem et Judam Persa,
Barnabam Cyprus perversa,
Marcum Alexandria.

11 Iohannes in Asia,
Lucas in Bithynia
In pace migrarunt.

12 Uni Deo gloria,
Cuius pro victoria
Sancti triumpharunt !

13 Et vos, fratres, veris bonis
Locupletes, caeli donis,
Apud thronum gratiae

14 Intercedite pro nobis,
Ut consortes simus vobis,
Coheredes gloriae.