9. De sancto Martyre

imprimis sancto Thoma Cantuariensi.

1 Spe mercedis et coronae
Stetit martyr in agone
Ad mortem oboediens,

2 Morte Christum imitatus,
Fide firmus et firmatus,
Firmo gressu gradiens.

3 Furit furor militaris,
Ut vir sacer sacris aris
Immoletur hostia ;

4 Quem occidunt saevientes,
Introducunt nescientes
Ad aeterna gaudia.

5 Christi fortis hic athleta,
Qui subire mente laeta
Mortem non abhorruit:

6 Ut sit salus infirmorum
Et medela peccatorum,
Gratiam promeruit.

7 Caeci, claudi,

surdi, muti
Sunt ad usum restituti
Divina clementia ;

8 Non est morbus,

quem non curet,
Dum morborum non obduret
Tarda diffidentia.

O Hostes Christi Christo cedunt,
Signa signis dum succedunt
Argumenta fidei.

10 Ergo martyr invocetur,
Ut per eum nobis detur
Ad superna provehi.