13. De sancto Martyre.

1 Ave, miles regie,
Militum praesidium,
Consors factus gloriae
Caelo militantium.

2 Tu nostrae militiae
Tutor et refugium,
Praesenti familiae
Sis in adiutorium.

3 Miles excellentiae,
Clipeus ecclesiae,
Prudentiae speculum,

4 Fons omnis clemcntiae,
Lilium munditiae,
Sanctitatis vasculum.

5 Largitatis cumulus,
Veritatis titulus,
Probitatis pretium,

6 Idolorum, aemulus
Quae colebat populus,
Vir expugnans vitium.

7 Tu virtutis galea,
Qui sprevisti terrea,
Per te fiat hodie:

8 Lutum, later, palea
Mundentur ab area
Nostrae conscientiae.

9 Laurenti, vir iam caelice,
In terris mirifice

Vivens absque macula,

10 Nos clementer respice
Peccataque reice
Tua prece sedula.

11 Purga nostra scelera
Precibusque praepara
Locum indulgentiae ;

12 Nos Christo confoedera
Sic, ut donet munera
Permanentis gloriae.