14. De sanctis Martyribus.

1 O beata beatorum
martyrum sollemnia,

2 O devote recolenda
victorum certamina !

3 Digni dignis fulgent signis
Et florent virtutibus)

4 Illos semper condecenter
Veneremur laudibus.

5 Fide, voto, corde toto
Adhaeserunt Domino

6 Et invicti sunt addicti
Atroci martyrio.

7 Carcerati, trucidati
Tormentorum genera

8 Igne laesi, ferro caesi
Pertulerunt plurima.

9 Dum sic torti cedunt morti
Carnis per interitum,
Ut electi sunt adepti
Beatorum praemia.

10 Per contemptum mundanorum
Et per bella fortia
Meruerunt angelorum
Victores consortia.

11 Ergo facti coheredes
Christo in caelestibus

12 Apud ipsum vota nostra
Promovete precibus,

13 Ut post huius finem vitae
Et post transitoria

14 In perenni mereamur
Exsultare gloria.