15. De s. Confessore Pontifice.

1 Ave, gemma confessorum,
Nicolae pontifex:

2 Ave, dulcis spes lapsorum,
O virtutum opifex.

3 Indignatur praesens mare,
Tumor instat undique ;

4 Ne mergamur, hoc precare,
Tutum portum effice.

5 Ave, pie consolator,
Promptus in periculis,
Paupertatis sublevator,
Spes in necesariis;

6 Ne succumbat mens maerori,
Praesto sis solacio,
Fami corpus aut dolori,
Refove cum gaudio.

7 Ave, praesul gloriose,
Casti candor lilii,
Ave, mixtus odor rosae,
Summi spes solacii.

8 In procinctu vitae stamus,
Lapsis manum porrige ;
Tua prece, ne cadamus,
Gressus nostros dirige.