19. De sancto Confessore.

1 Laude iucunda

Confessoris sollemnia

2 Fide canora

Veneretur ecclesia.

3 Christi namque gloriosa
Secutus vestigia,

4 Mente pura, carne munda
Contemnendo vitia,

5 Legem Dei meditatus
Dilexit caelestia;

6 Vigilavit et oravit,
Servavit ieiunia,

7 Humilis et sobrius,
Quem amavit Dominus
Et ornavit gloria.

8 Pro talento duplici
Mercede multiplici
Ductus est ad gaudia.

9 Felix retributio,
Sempiterna mansio,
Vita finis nescia,

10 In qua nos recipiant
Et consortes faciant
Sanctorum suffragia.