21. In Octava s. Barnardi.

In 1. Vesperis.
Super Psalmos.

A. Gaude, Lugdunum, praesulis
Barnardi festi gaudio,

Quem cum virtutum titulis
De tuo territorio

Mittis Viennae populis,
Omni dignum praeconio.

Ad Magnificat.

A. Gaude, parens alta prosapia,
Tantae prolis refulgens gloria,
Monachorum

prorumpant gaudia,
Viennensis plaudat ecclesia,
Sed tu magis, Romanis, grandia
Sancti tui agens solemnia.

Ad Matutinum.
Invitatorum.

Adsunt sanctissimi

patris solemnia,
Laudet et jubilet

nunc haec ecclesia.

In 1. Nocturno.
Antiphonae.

1. Lugdunensem provinciam
Valde Barnardus extulit,
De qua ducens originem
Fructus beatos protulit.
2. Alta natus progenie

Virtutibus dum emicat,
Genus suum quam nobile
Plus et plus sic magnificat.

3. Felix haec nobilitas,
Quae virtutum florem
Profert sui nominis
Reddentem odorem,

Responsoria.

1. Ex illustri natus prosapia,
Mundi sanctus declinans vitia,
Totum transfert cor ad coelestia
Ex Dei gratia.
V. Mundi divitias, carnis delicias
Generis gloriam, spernit et
curiam.

2. Inter mundi fulgentem gloriam
Et Karoli regalem curiam
Servatsanctus cordismunditiam
Et conscientiam.

V. Extra mundi portans imaginem
Intus sanctum gerebat hominem.

3. Felix miles,

qui vanum saeculum
Sic contempsit,

ut esset speculum
Sanctitatis

atque spectaculum
Morum cunctum

illustrans populum.
V. Ut coelum ornant sidera,
Sic hunc virtutum opera.

In 2. Nocturno.

Antiphonae.

1. Hic mundum dum considerat,
Intrat in monasterium,
Quod prius ipse fecerat
Monachorum refugium.

2. Perfectionis culmine
Universos exsuperat,
Quos sub Maria virgine
Jam ante congregaverat.

3. Voto communi omnium,
Quibus gratus efficitur,
Licet invitus nimium
In abbatem extollitur.

Responsoria.

1. Mundi caute timens contagia,
Quae mundi sunt, reliquit omnia,
Manum mittens ad claustri
fortia,
Christi vestigia.
V. Omne saecli disrumpens vin-
culum,
Regi Christo se dat in famulum.

2. Claustralis factus humilis
Et vas virtutum omnium
Et gratia mirabilis
Cunctis fit in solatium;

V. Cunctis gratus cunctos laetificat,
Cunctis placet, cunctos aedificat.

3. Domus hujus, quam ipse fecerat
Et maximis donis dotaverat,
In qua fuit ipse discipulus,
Pater abbas fit Dei famulus.

V. Felix habens tu, Ambroniaeuni,.
Talem patrem et talem mo-
nachum.

In 3. Nocturno.
Antiphonae.

1. Ex abbatis officio
Mire fuit vocatus,
Puerili indicio
Ad culmen praesulatus.
2. Factus praesul sollicite,
Quae sunt praesulatus,
Exsequitur assidue
Digne vir beatus.
3. Romanis aedificat
Locum requiei,
Quo tumultus fugiat
Homo sanctus Dei.

Responsoria,

1. Pontificis ascendens culmina
Sancte vivit, expugnat crimina
Et commissar eformat agmina,
Nulla sanctum frangunt dis-
crimina.

V. Nocte coeli perlustrans lumina
Die terrib dat vitae semina,

2. Granum exsussum palea
Nexu solutum luteo
De mundiali area
Coeli locatur horreo.

V. O cum quanto receptus gaudio
In doctorum fulget consortio.

3. Gregem tuum, pastor egregie,
Festum tuum colentem hodie
Tuis sanctis defende precibus
A malorum cunctis incursibus,

V. Ut sub tuo nunc patrocinio,
Tuo tandem sit in consortio.

Ad Laudes.
Antiplicmae.

1. Adest dies memoriae,
Qua Bamardus mirificus
Transit ad regem gloriae,
Civis effectus coelicus.

2. O cum quanta laetitia
Receptus est in caelis,
Cum de mna lucra varia
Reportat vir fidelis.

3. In terris in modicis
Gerens se fideliter,

In coelis in maximis
Ascendit sublimiter.

4. Felix iste......,

Quem Christus, quando venit,

Super gregem suum sollicite

Vigilantem invenit.

5. Laus Deo sit pro tali famulo,

Quem laudandum a suo populo

Christus fecit in omni saecnlo.

Ad Benedictus.

A. Transit praesul ad coeli solium,
Dux ad sceptrum,

cursor ad bravium,
Mors in vitam, labor in otium,
Praesens cedit
luctus in gaudium.

In 2. Vesperis.
Ad Magnificat.

A. O praesul eximie,

Norma sanctitatis,
Pietatis vasculum,

Homo veritatis,
Tua per suffragia

Veniam peccatis
Et vitam in gloria

Praesta cum beatis.