26. De sanctis Virginibus.

1 De quinque prudentibus
Canamus virginibus,

Quae sumpserunt oleum,

2 Quarum carnes azymae
Et fideles animae
Exsultarunt in Deum.

3 Harum summa gloriae,
Nitor conscientiae
Nubunt filio Dei;

4 Ut Rachel amabiles
Et desiderabiles

Totae factae sunt ei.

5 Agnum, sponsum virginum,
Iesum Christum Dominum
Sequuntur, quo ierit;

6 Novum cantant canticum,
Caelicum, angelicum,
Quod miranda fecerit.

7 Albas habentes stolas,
Aureas aureolas,

Sponso placent plurimum.

8 Nescit homo pretium
Vitae continentium,
Qui in terra vivit ;

9 Suave viventium
Grex fidelis omnium
Virginum hoc scivit ;

10 Qui exoret Dominum
Pro salute hominum.