27. De s. Virgine Martyre.

1 Laetare, Sion filia,
Representans perennia
Gaudia caeli curiae!

2 En, rosae super lilia
Virginum per martyria
Vernant in aula gloriae.

3 Vox igitur laetitiae,
Vox devotae melodiae
Resonet in ecclesia

4 Ad honorem eximiae
Virginis, cuius hodie
Celebrantur sollemnia ;

5 Quae constanter immania
Sustinuit supplicia
Pro Christo, sponso gloriae;

6 Sic rosa patientiae
Palmam ferens victoriac
Transiit ad caclestia,

7 Ubi sponsi consortia,
Amplexus et solacia
Obtinet nunc in requie ;

8 Ad quam fons indulgentiac
Nos perducat post anxiae
Vitae praesentis stadia

9 Per ipsius suffragia.