38. De s. Achatio et sociis.

1 Hodiernae festum lucis
Est Achatii laus ducis
Atque decem milium.

2 Hermolao phalanx ista
Archipraesule baptista
Dei colit filium.

3 Adrianus christianos
Colere rex deos vanos
Iubet, sed despicitur.

4 Crucifixus cum cohorte
Dux est, et conformi morte
Christi grex afficitur.

5 Christi poenae renovantur
In his omnes, iterantur
Signa mortis Domini.

6 Ararat, mons Armenorum,
Mons insignis, tot sanctorum
Consecratur nomini.

7 Alexandriam decorat
Mons vicinam, quam perrorat
Martyrum cruoribus.

8 Orant Christum triumphantes,
Ut defendat honorantes
Ipsos a doloribus.

9 Exauditos se lactantur,
Nam, ipsos qui venerantur,
Servant a nocentibus.

10 Quorum intercessione
Socia, rex Iesu bone,
Nos tibi placentibus.