54. In Inventione s. Firmini.

In 1. Nocturno.
Antiplionae.

1. Martyris insignis

Firmini inventio, signis
Multis famosa

multumque Deo pretiosa,
Omnibus obsequiis

est recolenda piis.

2. Sed ditata bono

Domino miserante patrono
Munere pro tali

merito plausu speciali
Urbs Ambianis

exhilarata canis.
3. Unde tibi, Christe,

laudes referens chorus iste
Plaudat et exsultet,

variis et in orbe resultet
Laudibus ecclesia

sedulitate pia.

Responsoria.

1. Cum glacie tellus hodie

brumaque rigeret,

Et mediis diffusa viis

nix alta jaceret,

Indiciis sensit variis

grex religiosus,
Quantus erat vel quid poterat

pastor pretiosus.
V. Obsequium sibi namque pium

coelo tribuente
Fulsit ei virtute Dei

lux missa repente.

2. Lux radio terrae gremio,

qua per te nitebat,
Reliquias pridem plurimas

latuisse docebat,
Namque sciens cor prospiciens

votum fore dignum
Hoc quaerulis tribuit famulis

ex gramuiate signum,
V. Ut foderent et perciperent,

quod tam cupiebant,
Et paribus quidem precibus

votisque petebant.

3. Ut patuit, locus enituit
mox dignus honore,
Mirifico satis immodico

perfusus odore,
Sol etiam terrendo viam
copiae glacialis

Incaluit nec post riguit
gravitas hiemalis,
V. Sed tenerum ver florigerum
caput extulit hora,
Qua micuit, qua gemma fuit
producta decora.

In 2. Nocturno.

Antiphonac.

1. Moxque dies, quam temperies
ea sic decoravit,
Delicias urbes alias
sensisse probavit.

2. Belovaeum nec Cameraeum
nec Teroanenses,
Quando fuit, res non latuit
nec Noviomenses.

3. Sed propria mox quisque via,
qua sensit odorem,
Vertit iter Domino pariter
moderante laborem.

Responsoria.

1. Tunc nimia cum laetitia
stupuere videntes,
Sic faciem renovasse diem

camposque virentes.
Litigium foret ergo pium
tibi cernere pulchrum,
V. Cum properant, ut vota ferant
tangantque sepulchrum.

2. Tam miri qua parte viri

sacra membra ferentes
Substiterant, quando poterant

penetrare sequentes,
Ceu variis ibi deliciis

impressa tenebant
Ora viae, qua reliquiae

sanctae veniebant.
V. His pridem dant scripta fidem,

sic namque priores
Delicias mittunt patrias

ad superiores.

3. Egregii pariterque pii

miracula tanta
Qui recolis, cum recticolis

nova cantica canta,
Nec dubites, ea si retices,

mirabiliora
Posse Deum, sed semper eum

devotus adora;
V. Qui potuit, quidquid voluit,

quod saepe probavit,
Magnificans et glorificans,

quos ipse vocavit.

In 3. Nocturno.
Antiphonae.

1. Quanto naturalibus

Operibus
Magis sunt contraria

Prodigia.
Tanto sanctis omnibus
Major inde gloria.

2. Nihil mirabilius

Quam nocturnus radius,
Ut nocte contrarius
Fiat noctis socius.

3. Tam sacrum ministerium
Celebrante Salvio
In Ambianensium
Suburbio,
Vicinarum concio
Supervenit urbium
Odore solo nuntio.

Responsoria.

1. Stupet horror hiemalis
Et miratur, quae vel qualis

Est ista mutatio,
Quis est iste tam jucundus,
Pro quo vernat ita mundus
Hiemis in medio,
V. Dans naturae fracto jure
Rosam juncto lilio.

2. Adjacentes populi,
Quis hujus miraculi
Detulit rumores,

Ut ita veneritis
Gressibus tam subitis,
Ac si habueritis

Proprios doctores,
De locis vestris singuli?
V. Odor fuit nuntius,

Quo perfusi dulcius
Occurristis seduli.

3. Odor sancti

non solum cohibet
Morbos leviores,
Sanat lepram

et sanat quoslibet
Pessimos humores.
Potens talis medicus,
Cujus vires operis
Sensit elephanticus
Secus ripam Ligeris.
V. In hujus memoria

Tenet in homagium
Ab ecclesia
Vallem gentium
Haeres sui generis.

Ad Laudes.

Antiplionae.

1. Praesul Honoratus nomine
Et merito ac nobilitate
Tantae dignitatis munere

Meruit honorari,

Ut sanctorum Fusciani

Victorini et Gentiani

Corpora inveniret,
2. Inveniendum
Beatissimi
Firmini martyris
Corpus beato
Praesuli Salvio
Digne pro meritis
Honorando
Misericorditer
Reservavit.
3. Odore mellifluo
Perfusi continuo

Convalent aegroti;
Nec soli, qui veniunt,
Sed vim ejus sentiunt

Etiam remoti.
4. Elementis immutatis
Tempus factus est aestatis

In horrore nivium,
Et se totum dedit gratis

Mundus ad obsequium.
5. Virent prata, florent horti,
Sed et fructus sunt exorti

Formae jam plenarias,
Nec est ante
Visus tantae

Calor epidimiae.