58. De sancto Andrea.

1 Gratuletur Iactabundus
Et exsultet totus mundus,
Christianus sit iucundus
Satan cedat furibundus.

2 Dum laus crucis praedicatur
Per Andream et laudatur
Christus, daemon superatur,
Plebs fidelis roboratur.

3 Iudex nequam dum Aegeas
Deos colit atque deas,
Animas, quas facit reas,
Fide purgat
has Andreas.

4 Monstrat Christum esse lucem
Et ad patrem verum ducem,
Qui per mortem et per crucem
Nostrum sternit
hostem trucem.

5 Hostem crucis lux caecavit,
Hic amicum crucis stravit,
Quem in cruce dum ligavit,
Laudem crucis praedicavit.

6 Hunc illustrat lux caelestis,
Ipsum ornat regis vestis,
Per quem detur nobis maestis
Interesse poli festis.