64. De sancta Anna.

1 Sanctae Annae
Devotus decantet clerus
Alleluia,

2 Cuius partus

Salutem produxit mundo ;
Res miranda.

3 De cuius prole casta
Aeterna lux est orta,
Sol de stella.

4 Anna ex prosapia
Aaron est genita
Semper clara.

5 Quae ut iubar fulgidum
Decoravit saeculum
Pari forma.

6 Amans Deum toto corde
Nulla letali sorde
Fit corrupta.

7 Gignens salutis fructum
Abstulit omnem luctum
Valle nostra.

8 Ex prole, quem genuit,
Sol verus emicuit
Carne sumpta.

9 Sol, Christe, irradia
Nostra corda gratia
Nec sinas labe noxia
Esse caeca ;

10 Quem nec Iudaea natum
Credit nec immolatum,
Cum sint per scripta vatum
Haec praedicta.

11 Nunc ora, ut pia
Mater et filia
Succurrat tibi,
gens misera,

12 Ut te post tristia
Ducat ad gaudia
Hic, quem genuit
puerpera.