67. De sancta Anna.

1 Ave, Mariae
mater serena,

2 Anna beata,
gratia plena.

3 Benedicta tu
in mulieribus,
Quae peperisti
pacem hominibus
Et angelis gloriam.

4 Et benedictus

fructus ventris tui:
Maria, virgo,
mater alma Dei,
Electa per gratiam.

5 Quam felix es, Anna,
Per quam vitae manna
Clausit arca gloriae

6 In te fabricata,
Christo praeparata
Manu sapientiae!

7 Tu decus es matrum,
Tu honor es patrum,
Tu radix es almae
Stirpis, per quam palmae
Spes nobis est facta.

8 Tu desiderasti
Tori fructum casti ;
Ex te quae processit
Proles, Christum gessit,
Sed virgo intacta.

9 Tu forma es

omnis iustitiae
Tu digna es

prole munditiae;
De lacu faecis

et miseriae
Nos prolapsos

reforma gratiae.

10 Te collaudat

caelestis curia,
In qua regnas

dulci cum filia;
Per te reis

donatur venia,
Per te iustis

confertur gratia.

11 Ergo, mater pia,
Gaude cum Maria,
Quae solis aurora

12 Lucem dedit mundo.
Nos in hoc profundo
Supplicamus, ora,

13 Ut nos solvat a peccatis
Et in regno claritatis,
Quo lux lucet sedula,
Collocet per saecula.