69. De sancto Antonio Eremita.

1 In hac die laetabunda
Nostri chori plebs iucunda
Psallat cum tripudio

2 Et hac die triumphali
Laudes voto speciali
. Persolvat Antonio.

3 Hic insigni stirpe natus
Dono Dei decoratus
Effulsit virtutibus)

i Antra petit per desertum,
Ne se vitiis insertum
Mundus fallat opibus.

5 Quo viso serpens antiquus.
Christi servis inimicus,
Praeparat insidias:

6 Cellam subit sine mora
Et quasi virgo decora
Sibi dat blanditias.

7 Quo comperto miles fortis
Inquit: "Cuba, fomes mortis,
Super his carbonibus."

8 Daemon fugit perturbatus ;
Mox daemonibus stipatus
Hunc caedit verberibus.

9 Ieiuniis maceratus,
Mundum spernens, Christo gratus
Carnis solvit debitum.

10 Quisquis igne trucidatur
Gehennali, liberatur
Ob ipsius meritum.

11 Nunc exsultans laureatus,
Stola vitae decoratus
In caelesti culmine

12 Thronum summac maiestatis
Cum spiritibus beatis
Laeto cernit lumine.

13 Pie pater pretiose,
Funde preces copiose
Summo regi gloriae

14 Pro praesenti contione,
Ut in caeli regione
Melos canat gratiae.