76. In Translatione s. Mariae Magdalenae.

In 1. Vesperis.

R. Benedicta maris stella,
Magdalena, Dei cella,

Columbina specie,
Naufragantum tu fiscella,
Pia prece fuga bella
Veteris malitiae,
V. Rosa rubens et novella,
Favus dulcis fundens mella
Virtutis et gratiae.

Ad Magnificat.

A. Exsultet ecclesia

Tam praeclaro sidere
Virtutum ornata,
Beata Provincia,
Magdalenae munere
Felici dotata,
Vere digne gloriatur,
Quae thesauro super auro
Nobili ditatur.

Ad Matutinum.

Invitatorium.

Decantemus regi Christo
Magdalenae praemia,
Quae ejus praesentia
Virtutumque gratia
Gloriatur die isto.

In Nocturno.
Antiphonae.

1. Stella maris

fulget in aethere,
Magdalena

surgit de pulvere
Gaudet orbis
de tanto munere.
2. Karolus, Provinciae
princeps et corona,
Alumnus clementiae,
Flos patriae

Meruit haec dona.

3. Gemma nitet speciosa,
Virtus exit radiosa

Mariae de tumulo,
Salus datur copiosa,
Magdalenae velut rosa

Corpus fragrat sacculo.

Responsoria.

1. Fulget dies haec serena
Novae lucis radio,
In qua felix Magdalena,
Lucerna sub modio,
Solemni cum gaudio
Exaltatur ex arena,
V. Ut aeterni fontis vena
Nostra reddit corda plena
Gratiae profluvio.

2. Arca legis deaurata

Fertur in oraculum,
Floret cedrus exaltata,

Dat grana manipulum,
Sole fit amicta

Mulier signaculum
Mundo benedicta,
V. Magdalenae titulum

Vox non ficta
Clamat, ornat sacculum

Imago relicta.

3. Sacrum corpus balsamum
Transcendit odore,
Sepulturae thalamum

Virtutum splendore,
Lingua signat calamum
Spiritus virore ;
V. Deitatis organum

Candet super Libanum
Fronde, fructu, flore.

Ad Laudes.
Antiphonae.

1. Claro coeli matutino,
Mundi cursu vespertino
Nova lux apparuit,

Dum in sancto Maximino
Corpus fulgore divino
Magdalenac claruit.

2. Tu arca testamenti
Cum jubilo deducta,

Aurora sacramenti,
Qua justo cedit lucta,

Gratia poemtenti.

3. Tu botrus primitivus

Terras designans optimas,
Tu parvi fontis rivus

Crescens in aquas plurimas.

4. Tu ad lucem veniens

Clausa margarita,
Salutarem pariens

Fructum balsamita,
Ex te virtus exiens

Probat, quod sit ita.

5. Gloriatur in te Deus
Affluens deliciis,

Et lactatur per te reus
Fultus patrociniis.

Ad Benedictus.

A. Benedictus rex gloriae

Et omnis coeli concio,
Benedictum laetitiae

Festum dignum obsequio,
Benedicta devotio

Benedictae Provinciae,
Quam benedixit hodie

Magdalenae translatio.

In 2. Vesperis.
Ad Magnificat.

A. O quam felix, quam delectabilis
Dies ista, quam venerabilis,
Magdalena, flos novi germinis,
Revelatur et gustatur
Multitudo dulcedinis.