77. De sancto Augustino.

1 Mente pia iubilemus,

Voce melos modulemur

Celebri laetitia.

2 Diem nobis hanc sacravit

Mundumque illuminavit

Augustini gratia.

3 Hac in die carnis onus

Hic deponens pastor bonus

Natus est in gloria.

4 Hic explanans sacram legem

Ac describens summum regem

Caeli pandit gaudia ;

5 Lucis aeternae splendorem

Ac utriusque calorem

Mira fert facundia.

6 Eius nomen

timet schismaticus,

Fugit pallens

omnis haereticus;

Gaudeat ecclesia.

7 Portae Sion

seras composuit,

Hoc haeresis

videns obmutuit

In Sion victoria.

8 Ecce, palmes stans in vite

Nos counit verbo vitae,

Quos elegit Deitas ;

9 In idipsum participat,

Quam rex Salem aedificat,

Hierusalem civitas.

10 Cinctis lumbis legem refert,

In lucernis ignem defert

Luce fulgens intima ;

11 Caritate delet metum

Currens per arundinetum

Scintilla clarissima.

12 Summae legis candelabrum,

In adversis ventilabrum,

Nardus odorifera,

13 Et gemmarum ornamentum

Et salutis argumentum,

Oliva fructifera.

14 Illustrat sol iustitiae

Hanc fenestram ecclesiae;

Radios suscipite I

15 Aquae rubent in hydria

Vina Christi salubria;

Sitientes, bibite I

16 O, quam felix in talentis

Et quam verus documentis I

Fructum fert centesimum.

17 Effulgebat per mnas decem

Supra civitates decem

Sidus lucidissimum.

18 Veste nitens nuptiali

Cena fruitur regali

Et amplexu regio ;

19 Ibi sponsus sponsam audit,

Ibi sponsa sponso plaudit,

Regi, regis filio.