78. De sancto Augustino.

1 Salve, pater Augustine,
Vas electum, vas divinae
Capax sapientiae,

2 Vas infusum vena vitae,
Vas profundens vinum vite,
Vas caelestis gratiae.

3 Salve, lux et dux doctorum,
Malleus haeieticorum
Conterens perfidiam ;

4 Tu decus theologorum,
Tu mundi philosophorum
Superas scientiam.

5 Nunc in arce fulgens poli
Pete, pater tuae proli
Gratiae subsidium.

6 Tu in polo, nos in solo
Fac ne belli vi vel dolo
Supplantemur hostium.