79. De sancta Barbara.

I Ave, martyr gloriosa
Barbaraque generosa,
Paradisi vernans rosa,
Castitatis lilium.

2 Ave, virgo pulchra tota,
Caritatis fonte Iota,
Dulcis mitisque, devota,
Vas virtutum omnium.

3 Ave, criminis ignara,
Sponsum audis voce clara:
"Veni pulchra, veni cara,
Veni, coronaberis."

4 Ave, Barbara serena,
Pulchra quasi luna plena,
Singulari cantilena

Sponsum agnum sequeris.

5 Ave, Barbara beata,

Quae cum sponso praeparata
Nuptiarum ad optata
Transivisti gaudia.

6 Ave, fulgens margarita,
In corona Iesu sita,
Tam in morte quam in vita
Sis nobis propitia.