81. De sancta Barabara.

Sequentia Marcmanni.

1 Martyr Christi, Barbara,
Mundi linquens lubrica
Tendit ad caelestia;

2 Annos pueritiae
Subtrahens spurcitiae
Libat pudicitiae.

3 Regem castimoniae
Contemplatur hodie
In decore gloriae,

4 Cui suum vivere
Iunxit individue
Nuptiali foedere.

5 Mira virtus virginis
Ovat in suppliciis
Velut in deliciis.

6 Ad praeceptum praesidis
In obscuro carceris
Latet stricta vinculis.

7 Nervis sanctam cruciat,
Cilicinis confricat
Pannis, veste spoliat ;

8 Non terretur Barbara
Minis nec per verbera
Cedit a constantia.

10 Unde tibi laudes, Christe,
In honorem agonistae
Huius canit chorus iste

11 Supplicando, quod tuorum
Consors fiat gaudiorum
In conventu supernorum.