ARTICULUS II. In quo Universi ordo consistat.
ARTICULUS III. De ordine impressionum meteoricarum.
QUAESTIO IV. Utrum caelum sit de nalura ignis ?
ARTICULUS II. Corpus quintum non est de natura ignis.
ARTICULUS IV. De causa finali variationis opinionum.
ARTICULUS I. Ignis est in concavo orbis Lunae.
QUAESTIO X. Utrum motus localis sit causativus caloris?
QUAESTIO XI. Utrum omne lumen sit causativum caloris?
ARTICULUS II. De aequalitate elementorum.
ARTICULUS I. Notanda de apparentiis.
ARTICULUS II. Causae apparentiarum.
QUAESTIO XVII. Ut rum stella comata sit de natura coeli?
ARTICULUS II. Ponuntur differentiae Cometarum.
ARTICULUS I. De modo generationis cometae.
QUAESTIO XX. Virum Galaxia sit de natura coeli ?
ARTICULUS I. Opiniones de Galaxia recitantur.
ARTICULUS II. De accidentibus pluviae.
ARTICULUS I. De pruina et modo generationis ejus.
ARTICULUS. I. De diversitate signorum in generali.
articulus ii. De signis apparentibus in caelo.
ARTICULUS III. De signis pluviae apparentibus in aere.
ARTICULUS I. Unde veniant fontes ?
ARTICULUS II. An fontes fiant ex aqua pluviali ?
ARTICULUS I. De generatione maris.
ARTICULUS II. An mare sit locus naturalis aquarum?
ARTICULUS III. Resolutio quaestion is.
ARTICULUS II. De causa fluxus et refluxus maris.
QUAESTIO III. Utrum mare debeat esse salsum?
ARTICULUS I. De causa materiali ventorum.
ARTICULUS III. De causa efficiente ventorum.
QUAESTIO V. Utrum Sol faciat cessare ventos ?
ARTICULUS I. Unde proveniant venti?
QUAESTIO VI. Utrum terraemotus sit possibilis ?
QUAESTIO IX. Utrum coruscatio sit possibilis ?
ARTICULUS III. De effectibus coruscationis.
ARTICULUS I. De causis refractionis visus.
ARTICULUS II. De accidentibus Halo.
Utrum ignis in concavo orbis Lunae circulariter moveatur.
Arguitur quod non, quia tunc ista elementa inferiora, ut Aqua, et Terra, deberent etiam circulariter moveri. Consequens falsum, ut patet per experientiam, nam si erigatur baculus super terram, super cujus extremum superius ponatur aliquod grave, si postea removeatur baculus localiter, grave cadet super istum punctum terrae, quod directe substabat baculo, quod non esset, si terra fuisset mota circulariter; ergo, etc. Probatur consequentia, quia non est major ratio de uno elemento, quam de alio.
Secundo, quia vel ignis movetur circulariter naturaliter, vel violenter; non naturaliter, quia ignis non habet naturales dispositiones, a quibus de natura proveniret hujusmodi motus; si violenter, hoc est falsum, quia tunc non posset perpetuari, et tamen in perpetuo caelum movetur circulariter.
Tertio, si sic, sequeretur quod ejusdem corporis simplicis essent plures motus simplices secundum naturam: consequens contra Aristotelem in primo Caeli. Nam unius corporis simplicis est unus solum motus simplex, ut patet ibid. Probatur consequentia, nam ignis esset motus circularis in sua sphaera, et etiam motus sursum, ut pa tet primo Caeli.
Quarto, si moveretur circulariter, esset pro tanto, quia traheretur a caelo: consequens falsum; igitur et antecedens. Consequentia tenet, quia aliunde non potest esse causa istius circulationis. Falsitas consequentis patet, quia trahens, et tractum debent ad invicem religari, ut patet 7. Physicorum, et tamen non apparet aliqua colligantia, imo nec potest esse inter caelum et ignem: ergo, etc.
Quinto, quia omne corpus naturale, cum pervenerit ad locum, ad quem naturaliter tendit, naturaliter quiescit: modo ignis est quoddam corpus naturale, naturaliter inclinatum ad locum sursum; ergo cum ad illum pervenerit, dicitur ibi naturaliter quiescere. Major patet, quia frustra movetur ad illum locum, ubi non potest quiescere. Et minor apparet, primo, quod sit corpus naturale, quia habet in se principium motus, et quietis. Et quod inclinetur ad sursum patet, nam hoc est de ratione levitatis, quam sibi determinat ignis.
Oppositum arguitur per Aristotelem in isto primo.
In ista quaestione primo videbitur de supposito; deinde de quaesito. Unde quod supponit est, quod ignis est in concavo orbis Lunae, et hoc supposito, utrum ibi movetur circulariter?