QUAESTIO XVII. Ut rum stella comata sit de natura coeli?

Arguitur quod sic. Omne corpus simplex circulariter motum est de natura coeli; sed stella comata est hujusmodi; igitur, etc. quia aliter ejusdem corporis simplicis essent plures motus simplices secundum naturam, Et prima pars minoris patet, quia si stella comata esset corpus mixtum, tunc in ipso dominareturterra, cum in omnimixto dominetur terra, ut patet 4. hujus, et per consequens stella comata descenderet deorsum, quod est contra experientiam. Item, si esset mixtum, cum omne mixtum moveatur ad motum elementi dominantis in eo, sequitur quod in stella comata dominatur terra, quod est impossibile. Secunda pars patet per experientiam.

Secundo, nisi esset de natura coeli, sequeretur quodnon semper appareret secundum formam stellae. Consequens est contra experientiam. Probatur consequentia, quia nihil apparet continue secundum formam stellae, nisi sit de natura caeli.

Tertio, sequeretur quod non semper appareret cum coma. Consequens est contra experientiam. Probatur consequentia, quia postquam est de natura elementari, potest variari, sic quod quandoque appareat cum coma, et quandoque sinecoma.

Quarto, si aliqua stella comata est de natura caeli, igitur et quaelibet. Consequentia tenet, quia consimiliter arguit Aristoteles secundo Caeli, ubi dicit quod si aliqua stella sit sphaerica, sequitur quod sphaerica quaelibet sit. Et antecedens patet per Philosophum in isto primo.

Quinto, quia si non esset de natura caeli, tunc esset de natura inferioris, et maxime ignis. Consequens falsum. Consequentia tenet per Aristotelem in littera. Sed falsitas consequentis probatur, quia si esset de natura ignis, illa niteretur ascendere sursum, et non circulariter. Similiter si esset de natura ignis, ad modum flammae, dimitteret post se quamdam flammam ad modum candelae, ut patet de candela per aerem, tunc flamma dimittit post se caudam.

Sexto, quia impressiones illae, quae sunt de natura elementari, sunt modicae durationis, et faciliter transmutabiles de una dispositione in aliam; sed sic non est de stella comata; igitur, etc. Major patet inductione, nam nubes, pluvia, coruscatio, stellae cadentes et hujusmodi, sunt paucae durationis, et etiam faciliter transmutantur. Et minor apparet, nam aliquae stellae comatae durant per quinque menses, ut vult Seneca in naturalibus quaestionibus, et aliquae per sex, ut vult Aristoteles in islo primo. Similiter stella comata non variatur faciliter, quia semper apparet in cauda, vel coma ad formam stellae.

Septimum, quia stellacomata non significat aliqua, quae sunt solum, de prope ventura, sed quae sunt ventura per longum tempus; igitur stella comata non est de natura elementari. Antecedens apparet, quia designat siccitates, sterilitates, et Principum mortalitates, et hujusmodi, quae diu eveniunt, post ejus apparentiam. Et consequentia tenet, quia sic signare est proprium stellarum caeli. Nam impressiones istae de natura elementari vel designant nil, vel suum signatum est prope venturum, sic patet de densitate nubis, quae signat pluviam cito venturam.

Oppositum vult Aristoteles in isto primo.

In ista quaestione, primo recitandi sunt modi ponendi stellam comatam esse de natura caeli. Secundo ponentur differentiae cometarum, et respondebitur ad quaesitum.