ARTICULUS II. In quo Universi ordo consistat.
ARTICULUS III. De ordine impressionum meteoricarum.
QUAESTIO IV. Utrum caelum sit de nalura ignis ?
ARTICULUS II. Corpus quintum non est de natura ignis.
ARTICULUS IV. De causa finali variationis opinionum.
ARTICULUS I. Ignis est in concavo orbis Lunae.
QUAESTIO X. Utrum motus localis sit causativus caloris?
QUAESTIO XI. Utrum omne lumen sit causativum caloris?
ARTICULUS II. De aequalitate elementorum.
ARTICULUS I. Notanda de apparentiis.
ARTICULUS II. Causae apparentiarum.
QUAESTIO XVII. Ut rum stella comata sit de natura coeli?
ARTICULUS II. Ponuntur differentiae Cometarum.
ARTICULUS I. De modo generationis cometae.
QUAESTIO XX. Virum Galaxia sit de natura coeli ?
ARTICULUS I. Opiniones de Galaxia recitantur.
ARTICULUS II. De accidentibus pluviae.
ARTICULUS I. De pruina et modo generationis ejus.
ARTICULUS. I. De diversitate signorum in generali.
articulus ii. De signis apparentibus in caelo.
ARTICULUS III. De signis pluviae apparentibus in aere.
ARTICULUS I. Unde veniant fontes ?
ARTICULUS II. An fontes fiant ex aqua pluviali ?
ARTICULUS I. De generatione maris.
ARTICULUS II. An mare sit locus naturalis aquarum?
ARTICULUS III. Resolutio quaestion is.
ARTICULUS II. De causa fluxus et refluxus maris.
QUAESTIO III. Utrum mare debeat esse salsum?
ARTICULUS I. De causa materiali ventorum.
ARTICULUS III. De causa efficiente ventorum.
QUAESTIO V. Utrum Sol faciat cessare ventos ?
ARTICULUS I. Unde proveniant venti?
QUAESTIO VI. Utrum terraemotus sit possibilis ?
QUAESTIO IX. Utrum coruscatio sit possibilis ?
ARTICULUS III. De effectibus coruscationis.
ARTICULUS I. De causis refractionis visus.
ARTICULUS II. De accidentibus Halo.
De figura Halo.
Quantum ad primum, praemittendae sunt aliquae suppositiones. Prima est definitio circuli, scilicet, quod circulus est figura plana quibusdam lineis contenta, in cujus medio ponitur punctus, a quo omnes lineae ductae ad circumferentiam sunt sibi invicem aequales. Secundo supponitur ex tertio Euclidis, quod si ab aliquo puncto inter circulum exeant ad circumferentiam plures, quam tres lineae rectae sibi invicem aequales, punctus ille esset centrum circuli.
Tertio supponitur ex praecedenti quaestione, quod in generatione Halo, vapor inspissatus interponitur inter visum nostrum et astrum, ad quem vaporem fit refractio, aut reflectio luminis.
Quarto, quia radius perpendicularis veniens ab astro per vaporem ad visum nostrum transit irreflexus; patet ex praecedentibus quaestionibus. Quinto, quod in omni refractione, vel reflexione angulus incidentiam est aequalis angulo refractionis, sive etiam reflexionis.
Sexto supponitur, quod nulli radii extremi venientes ab astro concurrunt in centro ejusdem visus, nisi qui refrangantur ad angulos aequales. Patet ex praecedenti suppositione, quia aliter angulus incidentiae esset inaequalis angulo reflexionis.
Istis suppositis, ponitur ista conclusio, quod nisi proveniat ex defectu, vel irregularitate vaporis, semper Halo debet apparere secundum circulum. Probatur per demonstrationem Aristotelis ex praecedentibus suppositionibus. Et sit A, visus B, astrum et superficies D, G, F, et sit centrum vaporis, ad quem fit ibi refractio luminis E, tunc per ultimam suppositionem, nulli radii extremi concurrent in centrum visus A, nisi qui refranguntur ad angulos aequales; igitur radius B F A, et B G A, refranguntur ad angulos aequales, et per eamdem suppositionem radius B A, transit irrefractus; igitur omnes anguli causati ex lineis incidentiae, et radiis refractionis, una cum linea A B, sunt sibi invicem aequales, quia semper duo latera unius sunt aequalia duobus lateribus alterius, et reliqui anguli unius reliquis alterius, et totus triangulus toti triangulo; igitur triangulus B F A, est aequalis B G A, et ita de aliis triangulis causatis ex radiis incidentiae ad superficiem vaporis, cum radiis refractis sunt sibi invicem aequales. Dein imaginentur triangulos causatos ex radiis refractis ad superficiem vaporis, qui omnes sunt sibi invicem
AdminBookmark
aequales, scilicet A G E, A F E, et A D E, et A C E, quia duo latera unius sunt aequalia duobus lateribus alterius, ut puta latus A G, et latus A E, quod est commune omnibus, sunt aequalia lateribus A F, et A E, et etiam latera A D, et A E, sunt aequalia lateribus A E, etA C. Igitur per tertiam suppositionem primi bases illorum triangulorum erunt sibi invicem aequales: igitur superficies D G D F, erit circularis per definitionem circuli, et punctus E, esset centrum ejus, quia ab ipso ad circumferentiam omnes lineae ductae sunt aequales. Et hoc de primo.