3. De sanctissima Trinitate.

Ad Matutinum.

1. Deas de nullo veniens,

Deus de Deo prodiens,

Deus ab his progrediens,

In nos veni subveniens.

2. Tu nostrum desiderium,

Tu sis amor et gaudium,

In te nostra cupiditas

Et in te sit iucunditas.

3. Pater, cunctorum domine,

Cum genito de virgine

Intus et in circuitu

Nos rege sancto spiritu.

Ad Laudes.

1. Trinitas, lumen luminum,

Illuminatrix hominum,

Tuam similitudinem

Conformans ad imaginem.

2. Ex te mens nostra fulgeat

Et in te vota compleat,

Ad te per te nos dirigat,

Credens, sperans te diligat.

3. Patri sit benedictio

Cum coaeterno filio,

Benedictus sanctus spiritus

Et nos in ipso caelitus.

Ad Primam.

1. A patre prodit genitus,

Ab utroque paraclitus,

In his est una deitas,

Quam laudat universitas.

2. Ex quo nostra condicio,

Per quem nostra redemptio,

In quo nostra remissio,

Cum hoc fruamur gaudio.

3. Genitori sit gloria,

Redemptori victoria,

Consolatori gratia

Nobisque per hunc venia.

Ad Tertiam.

1. Trinitas, salus omnium,

Cor sana male saucium,

Concede nobis veniam

Per septiformem gratiam.

2. Fac nos ex fide vivere,

Per spem fac sursum tendere,

Et caritatis geminae

Fac nos vestiri tegmine.

3. Trinitati sit gloria,

Laus, decus et potentia,

Quae sua nobis gratia

Concedat caeli gaudia.

Ad Sextam.

1. Caelestium rex agminum,

Fili, redemptor hominum,

Consolator maerentium,

Fer miseris solacium.

2. O veneranda trinitas,

Tua nobis benignitas

Succurat, ne fragilitas

Nos trahat ad res vetitas.

3. Trinitati, quam credimus,

Adoramus et colimus,

Sit gratiarum actio,

Salus et benedictio.

Ad Nonam.

1. Memento, sancta trinitas,

Quod tua fecit bonitas

Creando primum hominem,

Recreando per sanguinem.

2. Nam quod creavit unitas,

Redemit Iesu caritas

Patiendo, tunc diligens,

Nunc diligat nos erigens.

3. Trinitati sit gaudium,

Pax, virtus et imperium.

Decus, omnipotentia,

Laus, honor, reverentia.

Ad Vesperas.

1. O Deus, sancta trinitas,

De quo sanctorum sanctitas,

Te laudantes sanctifica

Donando nobis caelica.

2. Trinitas individua,

Nos tua lux perpetua

Et a damnatis segreget

Et cum beatis aggreget.

3. Sit tibi, sancta trinitas,

Decus, honor, sublimitas,

Potestas, dominatio,

Maiestas, collaudatio.

Ad Completorium.

1. Genitor ineffabilis,

Eius proles amabilis,

Paraclitus consimilis,

Memento vitae fragilis.

2. Ex te vitae principium,

Per te vitae remedium,

In te vitae solacium,

Da nobis vitae praemium.

3. Patri cum unigenito

Et spiritu paraclito

Sit maiestas et gloria,

Potestas et victoria.

AdminBookmark

4. Regendo clemens corrige

Et corrigendo dirige,

Dirigendo nos erige

Et cum electis (nos) collige.

AdminBookmark

vitam sanctis repositam

Ob artam vitae semitam

Praestes nobis gratuito,

Quam non debes ex merito.

AdminBookmark

Caventes a prohibitis

Utemur bene licitis,

Ut gaudeamus gaudio

Quo caeli gaudet contio.

AdminBookmark

Trinitas immutabilis

Et unitas laudabilis,

Instantes tuis laudibus

Veris dita muneribus.

Caius in nobis munera

Illa conservet dextera,

Quae benedicit credulos,

Reprobabit incredulos.

AdminBookmark

Proni sumus et labiles

Et ad peccandum fragiles,

Tua misericordia

Nos salvet a miseria.

AdminBookmark