137. Super Ave Maria.

1. Ave tu, sponsa regalis,
Praeelecta, specialis,

Soli Deo dedicata,
Maria, quae cum angelo
Es a salutari vero

Feliciter salutata.
2. Gratia salvationis
Ac nostrae redemptionis

Per te nobis reformata,
Plena de patris favore,
Dei filii amore,

Sanctissima caritate.
3. Dominus ad te veniens,
Dei verbum te diligens

Pro nostra felicitate,
Benedicta, laudabilis
Et semper venerabilis

De sancta conceptione.

4. Tu innupta virgo mater,
Omnipotens Deus pater

Christi incarnatione,
In mulieribus felix,
Quia Iesu Christi nutrix

In purificatione.
5. Et benedictus, qui venit,
Qui totam mundum redemit

Per amaram passionem,
Fructus, radix aeternalis,
Resurrexit immortalis,

Tendens ad ascensionem,
6. Ventris tui, qui portavit
Regem, qui te coronavit

Ad caelorum regionem ;
Iesus Christus, filius tuus
Sit nobis peccatoribus

Omnibus propitius.