76. De sancto Mauritio.

Ad Matutinum.

1. Patris sapientia,

Iesus lex divina
Te, Mauriti, miserat

hora matutina
Partes ad occiduas,

fieret ruina
De diis, quorum noscitur

turbis officina.

Ad Primam.

2. Hora prima militum

regulas docebas,
Deum verum colere

cunctos admonebas,
Statutis stipendiis

contentus manebas
Et gravare neminem

unquam tu volebas.

Ad Tertiam.

3. Ter, o dux, ab impiis

nosceris pulsatus,
Ut diis sacra redderes,

sed tu sic firmatus
In fide catholica

steteras armatus
Contra tela Satanae

per omne tuum latus.

Ad Sextam.

4. Sacra trina fuerant

militum sanctorum
Agmina, qui steterant

probitate morum,
Et ex eis neminem

reperimus, quorum
Fides titubaverat

metu tormentorum.

Ad Nonam.

5. Hora nona venerat

cum sol ad occidentem,
Petit turma caelica

firmam tenens mentem,
Percussorem sustinet

gladium ferentem,
Caelos quaerit cernere

Iesumque gaudentem.

Ad Vesperas.

6. Spoliata vespere

dividunt lactantes
Et onusti redeunt

invicem clamantes,
Sed tu, dux egregie,

socios amantes
Habuisti, iuva nos

ad te suspirantes.

Ad Completorium.

7. Hora completorii

quies solet dari,
Tunc cum sanctis omnibus

tibi iucundari
Christus dedit iugiter,

nec labefactari
Potest tua gloria

nunc nec minorari.