6. Septem Horulae operum divinorum septemplices.
10. Officium Corporis Christi.
11. Heures du precieux sacrement.
12. Cursus de Misericordia Domini. Ad Matutinum.
14. Horae de Passione Domini. Ad Matutinum.
21. Horae de Passione Domini. Ad Matutinum.
22. Horae de Passione Domini. Ad Matutinum.
23. Horae de Passione Domini. Ad Matutinam.
24. Horae de Passione Domini. Ad Vesperas.
25. Horae de Passione Domini. Ad Matutinum.
26. Horae de Passione Domini. Ad Matutinum.
27. Horae de Passione Domini. Ad Matutinum.
28. Horae de Passione Domini. Ad Matutinum.
29. Horae de Passione Domini. Ad Matutinum.
30. Horae de Passione Domini. Ad Matutinum.
32. Horae de Resurrectione Domini. Ad Vesperas.
33. Horae de Resurrectione Domini.
34. Cursus de sanctis Angelis. Ad Matutinum.
36. Cursus de ss. Angelis. Ad Matut. et Vesp.
38. De Conceptione BMV. Invitatorium.
40. De Conceptione BMV. Ad Matutinum.
48. De Compassione BMV. Ad Matutinum.
50. Horae de gaudiis BMV. Ad Matutinum.
52. Cursus de VII Gaudiis B. M. V.
53. De VII Gaudiis BMV. Ad Matutinum.
56. Horae beatae Mariae V. Ad Matutinum.
57. Ilorae beatae Mariae V. Ad Matutinum.
58. Horae beatae Mariae V. Ad Matutinum.
60. De Omnibus Sanctis. Ad Matutinum.
65. De sancto Francisco. Ad Matutinum.
67. De s. Iohanne Baptista. Ad Matutinum.
68. De s. Iohanne Evangelista. Ad Matutinum.
70. De sancta Katharina. Ad Matutinum.
72. De sancta Katharina. Ad Matutinum.
74. Officium seraphicae s. Magdalenae.
77. De s. Perchtoldo Garstensi.
80. Officium Defunctorum. Ad Matutinum.
Ad Matutinum.
1. Surge, dilecta anima,
Christum quaere, quem diligis,
Doloris et angustia
Plena, quare non moreris?
2. Ecce, tu vides, misera,
Captum sponsum, quem se-
queris,
Et es relicta vidua
Et secum non abiceris?
3. Perfusa ergo lacrimis
Deplora Dei filium,
Qui pro te noctis tenebris
Tantum suffert supplicium.
4. Tibi, Christe, sit gloria,
Mihi inclita venia,
Gom patre, sancto spiritu
Regnas per cuncta saecula.
Ad Laudes.
1. Christus iam captus, vinctus est
A pravis infidelibus,
Consputus et illusus est
Pro nobis peccatoribus.
2. Colaphizatur turpiter
Sibi velata facie
Percutitur et nequiter
Cum palmis et arundine.
3. Heu, quam dura vincula,
Quibus, Christe, ligatus es,
Heu, quam dura vulnera
In carne munda passus es.
4. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Primam.
1. Recessis noctis tenebris
Sunt mane ipsae tenebrae,
Dum Christus regens omnia
Rectori nequam traditur.
2. Metam petunt mysteria
Redemptionis hominum,
Crucis tormenta proximant
Christo iam passo duriter.
3. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Tertiam.
1. Hora iam quasi tertia
Exutus veste propria
Purpurea indueris
Veste iam derisoria.
2. Spinis coronae pungeris,
Sanguis sacratus defluit,
Crucemque tibi baiulans
Tormentis totus lividus.
3. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Sextam.
1. Christus pro nobis hostia
In cruce pendens ponitur,
Manus pedesque ferreis
Clavis ferantur fortiter.
2. Vestimenta divisa sunt,
Nudus cum nudo praelians
Morte foetentes suscitat,
Vincens mortis initium.
3. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Nonam.
1. En, sol privatus lumine,
Dum sol caelestis patitur,
Et elementa condolent
Suo regi, dum moritur.
2. Iam terra tremit fortiter,
Et velum templi scinditur,
Monumenta aperta sunt,
Lapisque durus frangitur.
3. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Vesperas.
1. Cursu celeri transeunt,
Quae propheta loquitur
De Christo Deo, homine
Qui de cruce deponitur.
2. Iam spoliat Aegyptios
Suos captivos liberans
Et morti mors efficitur
Infernum morsu lacerans.
3. Fit vivis sanctis omnibus
Dolor intollerabilis
Et mortuis fidelibus
Laetitia mirabilis.
4. O dolor mixtus gaudio,
Cor meum tecum posside,
Tangens doloris gladio,
Quem Christus sensit latere.
5. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.
Ad Completorium.
1. Emanuel sepultus est,
Qui nostra lavit crimina,
Et sua mater tristis est
Habens doloris vulnera.
2. O Christe, dulcis hostia,
Qui confregisti tartara,
Me pro te passum visita,
Coronans me in gloria.
3. Tibi, Christe, sit gloria,
Mihi inclita venia,
Cum patre, sancto spiritu
Regnas per cuncta saecula.