17. Horae de Passione Domini.

Ad Matutinum.

1. Iesus Christus humanatus

Matutino tempore
Est pro nohis contristatus,

Aquam sudans sanguine,
Iudas fuit osculatus

Eum traditorie,
Captus, vinctus est, allatus

Est ad Annam impie
Et discipulis orbatus,

Ter negatus publice,
Caesus et alapizatus

Hinc in domo Caiphae,
Falsis testibus vexatus

Cum nota blasphemiae.

Ad Primam.

2. Hora prima praesentatus

Iesus coram iudice
False fuit accusatus,

Agnus innocentiae,
ludaeorum grex inflatus

Clamat reum perdere,
Iudex satis informatus

Vult insontem vivere;
Ergo misit hunc Pilatus

Ad Herodem temere,
A quo est interrogatus

Curioso famine,
Alba veste reportatus

Spretus irrisorie.

Ad Tertiam.

3. Hora terna reprobatus

ludaeorum rabie
Barrabas est liberatus,

Iesus nudus corpore
Est ad statuam ligatus,

Flagellatus maxime,
Spinis saevis coronatus

Fuit acerbissime,
Ut rex vilis purpuratus

Sceptrali arundine,
Est derisus, adoratus,

Consputus in facie,
Est et plebi ostentatus

Deformatus specie.

Ad Sextam.

4. Hora sexta iudicatus

Est cruci vilissime,
Inter nequam reputatus,

Pressus crucis onere,
Vestibus est spoliatus

In loco Calvariae,
Clavis diris perforatas,

Extensus saevissime,
A diversis blasphematus,

Sors datur pro tegmine,
Patrem suum est precatus

Pro torquentem scelere,
Matrem suam consolatus

Iesus est mitissime.

Ad Nonam.

5. Hora nona satiatus

Est poenis acerrime,
Clamans, quod sit elongatus

A patris solamine,
Sitiens felle potatus,

Consummans plenissime
Cuncta mori est dignatus

Inclinato capite,
Patri animam paratus

Tradit voluntarie,
Per Longinum lanceatus,

Exit aqua sanguine,
Sic pro nobis est oblatus

Iesus salutifere.

Ad Vesperas
et Comp.

6. Vespere est declavatum

Corpus devotissime,
Flenti matri est donatum

Involutum sindone,
Heu, heu iacet hic prostratum

Lumen summae gloriae.
In Completo corpus condunt

Lacrimantes feminae,
Ioseph, Nicodemus fundunt

Fletus amarissime
Et sepultum sic abscondunt

Claudentes sub lapide.