12. Cursus de Misericordia Domini.
Ad Matutinum.

1. O lux misericordiae,
Tu primo mortis tempore
Ad patrem precem supplicem
Fundendo sudas sanguinem.

2. Sic, pie doctor, instruis,
Ut suis in angustiis
Turbatum cor te anxium
Tuum petat auxilium.

3. Salutis fons et gratiae,
Splen dor supernae patriae.
De nocte nos miseriae
Perduc ad diem gloriae.

1. Sit trinitati gloria,
Quae pia nos clementia
Donet post transitoria
Sui frui praesentia.

Ad Laudes.

1. Per signum pacis traderis,
Ut latro vinctus duceris
Sacrilegorum manibus,
Sistendus pontificibus.

2. Consputus tunc blasphemias
Et caesus contumelias
Velato vultu passus es
Mortisque reus dictus es.

3. Nostrae noctis caligine
Contenebratus, Domine,
Tu nostri cordis intima
Diei lux illumina.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Primam.

1. O diei diluculum,

Quam flebile spectaculum,
Pilato praesentatus es,
Malorum palmis caesus es.

2. Ad Herodem transmittens,
Accusatus condemneris,
Alba veste deludens,
Pilato sic reducens.

3. Benigne rex iustitiae,
Pater misericordiae,
Cum iudicare veneris,
Tunc parce nobis miseris.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Tertiam.

1. Flagellis dire caesus es
Et sanguine perfusus es,
Corona punctus spinea
Rideris veste rubea.

2. Data mortis sententia
Cum magna patientia
Crucem portans in humeris
Ad mortem sponte graderis.

3. Haec tua contumelia
Sit nostra semper gloria,
Tuam fac nos ferre crucem
Et te sequi vitae ducem.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Sextam.

1. In cruce tendens bracbia
Et ad te trabis omnia,
Fundens salutis flumina
Per vulnera sanctissima.

2. Suspensus cum latronibus,
Orans pro confixoribus,
Compassus nobis miseris
Flevisse pie crederis.

3. Quam dura, quam crudelia,
Sed nobis salutifera
Sunt facta confixoria,
Quae membra pungunt regia.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Nonam.

1. O vitae fons dulcissime,
Bellator invictissime,
Vincens morte diabolum
Patri commendans spiritum.

2. Expavescunt caelestia,
Contremiscunt terrestria,
Tua potenter anima
Vadit praedari tartara.

3. Latus apertum lancea
Cruore manat et aqua,
Quae sacra stillicidia
Dant vitae beneficia.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Vesperas.

1. Nostrae salutis hostia,
In ara crucis torrida,
Devicto mortis stimulo
Deponeris patibulo.

2. O quanta lamentatio,
Quae lacrimarum fusio
Piae matris et omnium
Te, Christe, diligentium.

3. Corda tuorum arida
Fac lacrimis irrigua,
Ut mortem tuam defleant
Et sordes suas abluant.

4. Sit trinitati gloria,
Quae pia nos clementia
Donet post transitoria
Sui frui praesentia.

Ad Completorium.

1. Post cursum tandem temporis
Passionis et operis
Conditus aromatibus
Sepultus es a fratribus.

2. In manu tua, Domine,
Nostrae serventur animae,
Sit nobis in te requies,
Quos sanguine mercatus es.

3. Guberna nos salubriter
Conservaque feliciter,
Ut veniam et gratiam
Consequamur et gloriam.

4. Sit trinitati gloria,
Quae pia nos clementia
Donet post transitoria
Sui frui praesentia.