15. De Passione Domini.

Ad Matutinam.

1. Ut homo resurgeret

mortis a ruina,
Dei natus captus est

hora matutina,
A suis deseritur

faga repentina,
A Iudaeis trahitur

fune latrocina.

Ad Primam,

2. Hora prima praesidi

captus praesentatur.
Falsis testimoniis

iustus accusatur,
Alapis adfligitur

et colaphizatur.
Sputis eius facies

tota sordidatur.

Ad Tertiam,
3. Hora vero tertia
dire flagellatur,
Purpura induitur,

spinis coronatur,
Crucifigi petitur,

quod mox demandatur,
Crux ad locum Golgatha
sibi ferri datur.
Ad Sextam.
4. Hora sexta patiens
cruci adplicatur,
Extensis manibus et
pedibus clavatur,
Cum aceto sitiens
et felle potatur,
Qui salvas alios, te
salva, blasphematur.
Ad Nonam.
5. Hora nona moriens
heli vocitavit
Et commendans animam

patri exspiravit,
Latus eius lancea

miles perforavit,
Tunc terra contremuit,
se sol obscuravit.

Ad Vesperas.
6. De cruce deponitur
hora vesperorum,
Mori sic disposuit
vita mortuorum,
Ut suos redimeret

a poenis tortorum,
Descendens ad inferos
fregit portas horum.

Ad Completorium.
7. Hora completorii
sepulturae datur,
Corpus eius sindone

munda circumdatur,
Monumenti ostium

cum saxo signatur,
Milites custodiunt,
ne furtim tollatur.
Conclusio.
8. Horas illas canimus
tibi, Iesu boue,
Mortem nostram destruens

necis in agone
Vitam surgens reparas

obruto dracone,
Fac nos dignos effici
tua passione.

9. Quam des ut memoriter

corde teneamus
Et eam fideliter

fletu recolamus,
Ut compuncti iugiter

tecum assurgamus
Et in caelis pariter

tecum convivamus.