46. De Compassione B. M. V.

Ad Matutinum.

1. Matutino tempore

Mariae nuntiatur,
Quod a Iudaeis perfidis

Christus capiatur.
Domum Annae petiit,

nam illuc ducebatur,
Toto corde tremuit,

dum male tractabatur.

Ad P rimam.

2. Hora prima Maria

Iesum suum natum
Lacrimis perfusa

sequitur ad Pilatum,
Falsis testimoniis

in multis accusatum,
Vultum suum conspuunt,

lumen caeli gratum.

Ad Tertiam.

3. Hora audit tertia

crucifigi natum,
Videns tectum purpura,

spinis coronatum,
Post mortis sententia

eundem damnatum,
Trabe crucis maxima

dure oneratum.

Ad Sextam.

4. Hora sexta Maria
vidit conclavari
Corpus Christi tenerum,

in altum levari,
Sitientem etiam
felle satiari,
Suam vestem filii
sanguine rubrari.

Ad Nonam.

5. Hora nona filium

videt exspirantem,
Heli voce audiens

maxima clamantem,
Iohanni se et spiritum

patri commendantem,
Simeonis gladium

cor eius perforantem.

Ad Vesperas.

6. Vespertino tempore

Maria dolorosa
De cruce depositum

voce quaerulosa
Continens in gremio,

dicens: o meorum
Senectutis baculus,

lumen oculorum.

Ad Completorium.

7. Hora completorii

venit ad sepulcrum
Tinxitque aromate

Christi corpus pulchrum.
Deformatum filium

pallore mortis durae,
Vitae nostrae praemium,

praesentis et futurae.

Conclusio.

8. Has horas canonicas,

Maria, mater pia,
Tuae laudi refero

cordis symphonia,
Sicut tu compassa es

nato in agone,
Sic me sibi socium

facias coronae.

AdminBookmark

Hanc horam matutinam, Maria, mater pia,

Tuae laudi refero cum cordis symphonia,

Ut sicut tu compassa es nato in agone

Et nunc conregna(n)s unico, a mortis me mucrone

Ereptum tu constituas dextro cum latrone.

O mater benignissima summae deitatis,

Pone compassionem tuam inter animam

Meam et iudicium tui dilecti filii.

AdminBookmark

Hora prima sequitur Maria suum natum
Singultibus ac lacrimis perfusa ad Pilatum,
Falsos testes audiens sputo maculatum
Ingemiscens conspicit, dire alapatum,

AdminBookmark

Hora vespertina Maria suo nato
De cruce deposito, toto vulnerato
Eiulando loquitur: Fili, salus mundi,
Tantis poenis me et te voluisti tundi.