127. Super Ave Maria.

1. Ave, rubus visionis,
Ave, vellus Gedeonis,
Ave, victrix Pharaonis,
Ave, thronus Salomonis.

2. Maria, ver suavitatis,
Maria, vas pietatis,
Maria, flos puritatis,
Maria, fons bonitatis.

3. Gratia te segregavit,
Gratia te praeparavit,
Gratia te decoravit,
Gratia te sublimavit.

4. Plena summis divitiis,
Plena summis deliciis,
Plena divinis gratiis,
Plena divinis gaudiis.

5. Dominus te praeamavit,
Dominus te subarrhavit,
Dominus te desponsavit,
Dominus te coronavit.

6. Tecum fuit vivens,
Tecum fuit sanans,
Tecum fuit, fac sit mecum,
Tecum fuit, nunc es secum.

7. Benedicta lux fidei,
Benedicta tutrix rei,
Benedicta sporta spei,
Benedicta sponsa Dei.

8. Tu daemonum es ruina,
Tu reorum medicina,
Tu unica es divina,
Tu caeiestis es regina.

9. In te Deus latitavit,
In te Deas se armavit,
In te carne se velavit,
In te homo mortem stravit.

10. Mulieribus es via,
Mulieribus venia,
Mulieribus gratia,
Mulieribus gloria.

11. Et hinc nobis remedium,
Et hinc cessat exsilium,
Et hinc nobis solacium,
Et hinc beatum gaudium.

12. Benedictus, quem eligis,
Benedictus, quem diligis,
Benedictus, quem dirigis,
Benedictus, quem erigis.

13. Fructus tuus vivificat,
Fructus tuus sanctificat,
Fructus tuus salvificat,
Fructus tuus glorificat.

14. Ventris candet virginitas,
Ventris placet humilitas,
Ventris patet fertilitas,
Ventris regnat fecunditas.

15. Tui amor hostes pungat,
Tui amor nos compungat,
Tui amor nos inungat,
Tui amor nos coniungat.

16. Amen oris proferamus,
Amen cordis adiungamus,
Amen in te concludamus,
Amen, ut te videamus.